JOSUA 2:5 - BIBEL JAMITA NA DENGGAN

⁵ Nangkin taran so ditutup horbangan ni kota, di na lusut mataniari, ma pola kehe halahi. Jana nada pola husapai sanga na tu dia halahi kehe. Tapi muda hipas do hamu mangkojar halahi dapot hamu dope halahi.” (

JOSUA 2:5 Referans Kwoze

HALUMBAAN 21:25

Jana angka pintu horbangan ni kota i nada ditutup be arian, harana nada adong be disi borngin.

JEHESKIEL 47:12

Sapanjang topi ni batang aek angkup bariba martubuan do sude bona ni hayu sipanganon, nada unjung malos bulung ni hayu-hayu jana batuna pe nada marnamantak. Ganop bulan do bona ni hayu i marbatu, hara ni aek na sian Bagas Na Badia i mangaehisa. Sipanganon do angka batuna i jana bulungna marguna baen ubat.”

JEREMIA 50:20

Anggo di hatiha i, ias noma Israel dohot Juda sian dosa, angke na giot ampunanKu noma angka halak na dung Hupalua i. Au Tuhan, madung mandok songon i.”

JESAYA 60:11

Arian na borngin marbuka horbanganmu, anso dioban sinadongan ni angka bangso tu ho jana marudur ma raja ni halahi gabe tabanan.

NEHEMIA 13:19

Jadi gabe huparentahon ma, anso ganop bona ni Ari Sabat, i ma Ari Jumahat borngin, manigor ditutup angka pintu horbangan dung andospotang jana nada tola bukaon salolot so salpu Ari Sabat di Sabtu borngin. Hubaen sanga na piga halak anak bua i di angka pintu horbangan laho manjago anso ulang adong barang sigadison dioban masuk tu bagasan kota i di Ari Sabat.

JOSUA 2:7

Jadi markehean ma antong suruan ni raja i jana manigor digoruk ma horbangan ni kota i disi haruar halahi. Dijalak-jalahi halahi ma mata-mata ni Israel i lopus tu inganan panariparan di Batang aek Jordan.

JOSUA 2:4

Tapi madung ditabunihon dadaboru i halahi, jana ning si Rahab mangalusi, “Tutu nian adong do ro halak tu bagasku, tapi nanggo huboto sanga na sian dia halahi.

JOSUA 2:6

Hapengani na dung dioban si Rahab do mata-mata sidua halak i tu loteng ni bagasnia i jana ditabunihon ia halahi di toru ni bayon na gukguk disi.)

1 SAMUEL 19:14

Jadi di na ro suruan ni si Saul laho manangkup si Daud, didok si Mikal ma, “Marnyae do si Daud.”