JOSUA 19:32 - BIBEL JAMITA NA DENGGAN

³² Bagian na paonomkon, i ma tano baen di angka ripe na sian Marga Naftali.

JOSUA 19:32 Referans Kwoze

JOSUA 19:31

Angka i ma kota dohot luat na masuk tu tano na dilehen tu angka ripe na sian Marga Aser baen tano bagian ni halahi.

JOSUA 19:33

Mamungka sian Helep do batas ni tano ni halahi lopus tu hayu ara na di Zoanaim, torus tu Adaminekeb lopus tu Jabneel, lalu tu Lakum, dung i marujung di Batang aek Jordan.

PAMUNGKAAN 35:25

Angka anak ni si Bilha naposo dadaboru ni si Rahel i, i ma si Dan dohot si Naftali.

PAMUNGKAAN 49:21

Si Naftali, songon ursa na malua do, angka anakmu pe jogi tompana.

PANGARATAION 33:23

Salaho tu Marga Naftali didok si Musa: “Dipalobi do tu Naftali pasupasu holong ni roha ni Tuhan; tanonia manggistang sian Dano Galilea tu Selatan.”

HAKIM-HAKIM 1:33

Halak kota Bet-Semes dohot Bet-Anat pe nada dipaorot Marga Naftali. Laing maringanan di kota i do halak Kanaan rap dohot halak Naftali tapi dipaksa markarejo.

HAKIM-HAKIM 4:6

Sanoli disuru ia ma halak mamiohon si Barak, anak ni si Abinoam na sian kota Kedes na di Luat Naftali. Dung i didok ia ma tu si Barak, “On ma parenta ni Tuhan, Debata ni Israel tu hamu: ‘Palagut ma sampulu ribu halak halaklahi sian Marga Naftali dohot Zebulon, jana oban ma halahi tu Dolok Tabor.

MATEUS 4:13

Ditadingkon Ia ma kota Nasaret, kehe ma Ia maringanan tu kota Kapernaum. I ma sada kota di topi ni Dano Galilea na masuk tu Luat Zebulon dohot Naftali.