JOSUA 12:1 - BIBEL JAMITA NA DENGGAN

¹ Anggo luat na di Habincaran ni Jordan, mamungka sian Rura Arnon manangkok tu Rura Jordan lopus tu tongtang ni Dolok Hermon di Utara, madung dirampas jana diingani angka halak Israel. Adong do dua raja na nitaluhon ni halahi.

JOSUA 12:1 Referans Kwoze

HAKIM-HAKIM 11:18

Dung i ditoruskon halahi pardalananna mamolus parhorsihan, tapi nada mamolus be sian daerah ni Edom dohot Moab, tapi mangaliati ma dalan ni halahi lopus lalu tu Habincaran ni Moab, di bariba ni Batang aek Arnon. Marbandar ma halahi disi, tapi nada taripar batang aek i harana masuk tu daerah ni Moab noma i.

JOSUA 1:15

lopus sidung diingani halahi luat na di Hasundutan ni Batang aek Jordan on na dung dilehen Tuhan Debatamunu di halahi. Dung tumbuk di roha ni Tuhan paloaskon sude bangso Israel mangolu marsonang-sonang, baru ma anso tola mulak angka parporangmunu i mangulahi tu tanomunu sandiri di sabola Habincaran ni Jordan on, i ma na nilehen ni si Musa naposo ni Tuhan i tu hamu.”

BILANGAN 21:24

Di parporangan i bahat tentara ni halak Amori mate dibunu halak Israel. Dung i diingani halak Israel ma luat ni musuna i sian Batang aek Arnon tu Batang aek Jabok, sabola sian Utara i ma di parbalohan ni luat ni halak Amon na togu partahananna i.

BILANGAN 21:13

Sian i mardalan muse halahi jana marbandar di Utara ni Batang aek Arnon, i ma halongonan na bidang na lalu tu tano ni halak Amori. (Ia Batang aek Arnon, i ma batas ni tano Moab dohot Amori.)

JESAYA 16:2

Songon unggas na diayak sian asarna, songon i ma bujing-bujing ni Moab pahae-pahulu di topi ni Batang aek Arnon.

MASMUR 133:3

Sanga songon ombun di Dolok Hermon, na mijur tu angka Dolok Sion. Disi ma janjihonon ni Tuhan pasupasuNa, i ma hangoluan na salolot-lolotna.

JOSUA 22:4

Antong, domu tu na dijanjihonNa i, madung dilehen Tuhan Debatamunu i hasonangan tu angka kahanggimunu sabangso. Jadi saonnari, mulak ma hamu tu tanomunu sandiri, na di Habincaran ni Batang aek Jordan i, na nilehen ni si Musa najolo tu hamu.

JOSUA 11:17

Bidang ni luat i, mamungka sian Dolok Gundul di Selatan donok ni Edom, lopus tu Utara lalu tu Baal Gad na di Rura Libanon, sabola Selatan ni Dolok Hermon. Honok sajo si Josua na marporang i dohot angka raja-raja i, tapi ditangkup si Josua do ujungna halahi jana dibunu ia sude halahi.

JOSUA 11:3

Laing disuru Raja Jabin muse do halak mandapotkon halak Kanaan na di Hasundutan dohot Habincaran ni Jordan, tu angka halak Amori, Het, Peris dohot tu angka halak Jebus na di luat pardolohan, maradu tu angka halak Hewi na di pat ni Dolok Hermon na di Luat Mispa.

PANGARATAION 4:48

Manggistang ma tano i sian kota Aroer di topi ni Batang aek Arnon, torus tu Utara lopus tu Dolok Sirion, i ma Dolok Hermon.

PANGARATAION 2:24

“Dung tasalpui Moab, didok Tuhan ma tu hita, ‘Kehe ma ne manaripari Batang aek Arnon. PasahatonKu ma tu ho si Sihon raja ni halak Amori na mamarenta di Hesbon, maradu luatna i. Porangi ma i, lalu ingani tanona i.

BILANGAN 32:19

Nada buatonnami di hami saotik pe sian tano na di bariba ni Batang aek Jordan, harana madung hami jagit bagiannami dison di Habincaran ni Batang aek Jordan on.”

BILANGAN 32:33

Dung i dilehen si Musa ma tu angka Marga Gad dohot Ruben dohot tu satonga Marga Manase sude luat ni Raja Sihon, i ma raja ni halak Amori dohot luat ni Raja Og sian Basan dohot muse angka kota dohot humaliangna.

JOSUA 13:8

Anggo Marga Ruben dohot Gad dohot satonga Marga Manase madung manjagit tano parbagian sian si Musa, naposo ni Tuhan i; i ma tano na di Habincaran ni Batang aek Jordan.

MASMUR 89:12

Ho do na manjadihon Utara dohot Selatan, Dolok Tabor dohot Hermon marsurak di Ho marhamogaan.

MASMUR 136:21

Dilehen Ia luat ni halahi di bangsoNia, hot do holong ni rohaNia sapanjangna;

BILANGAN 21:21

Dung i disuru halak Israel ma suruanna manopot si Sihon, raja ni Amori laho pabolkaskon tona on,

BILANGAN 32:32

Mardongan Tuhan i, tariparannami ma Batang aek Jordan laho marporang anso tarpartahankon hami siteanonnami dison, di Habincaran ni Batang aek Jordan on.”

PANGARATAION 2:32

Jadi ro ma si Sihon dohot sude parangannia laho mamorangi hita di lambung ni kota Jahas,

PANGARATAION 3:1

“Dung i mardalan tu Utara ma hita mandapotkon Luat Basan. Ro ma si Og raja ni Basan mardongan sude tentarania laho mamorangi hita di lambung ni kota Edrei.

PANGARATAION 4:44

Dilehen si Musa ma angka aturan dohot pangajaran ni Debata tu bangso Israel.

PANGARATAION 4:46

jana taran di rura na di Habincaran ni Batang aek Jordan, na patongtang dohot kota Bet-Peor. Si Sihon raja ni halak Amori humani do nampuna luat i, i ma na sanga mamarenta di kota Hesbon. Ditaluhon si Musa dohot bangso Israel ma ia di na haruar halahi sian Mesir.