JOSUA 10:26 - BIBEL JAMITA NA DENGGAN

²⁶ Lalu dibunu si Josua ma angka raja i digantung ia halahi di lima bona ni hayu. Dipadiar do disi bangkena i lopus borngin.

JOSUA 10:26 Referans Kwoze

JOSUA 8:29

Anggo raja ni Ai digantung ia di bona ni hayu, dipadiar ia disi lopus borngin. Jana dung lusut mataniari disuru si Josua ma halak mambuat bangke i lalu didanggurkon di dalan laho masuk tu horbangan ni kota i. Dung i ditimbuni ma inganan i dohot batu bahat sajo. Laing disi dope angka batu i lopus tu saonnari.

GALATIA 3:13

Madung ditobus Kristus hita sian bura ni Tona i, markite-hite na gabe bura hara ni hita, angke tarsurat do, “Na hona bura do sanga ise na hona gantung di hayu parsilang.”

MATEUS 27:25

Dialusi halak na bahat i ma sude, “Padiar ma manginona tu hami dohot tu pomparannami mudarna i!”

ESTER 2:23

Disihiri ma parkaro i, gabe torang ma antong na tutu lapuran i. Diuhum gantung ma sidua halak i. Hombar tu parenta ni raja i, disuratkon ma na masa i di bagasan Buku Sejarah Ni Harajaan i.

2 SAMUEL 21:9

Dipasahat ma halahi tu halak Gibeon, jana rap mate di gantungan ma sipitu halak i di ginjang dolok di adopan ni Tuhan. Di ujung ni musim bunga ma dipadalan uhuman mate i, di na mamungka manggotil jabaure.

2 SAMUEL 21:6

Antong pasahat ma tu hami pitu halaklahi sian pomparannia anso hami gantung di adopan ni Tuhan di Gibea, kota ni Raja Saul i sandiri.” “Antong denggan,” ning raja i, “hupasahat pe halahi.”

1 SAMUEL 15:33

Didok si Samuel ma, “Songon podangmi na dung mambaen bahat halak agoan anak, laing songon i muse ma inangmu gabe agoan anak.” Dung i dijaljal si Samuel ma si Agag di jolo ni langgatan na di Gilgal i.

HAKIM-HAKIM 8:21

Didok si Zebah dohot si Salmuna ma tu si Gideon, “Tole ma da, ho pe mambunu hami. Patuduhon ma paboa na jantan do ho!” Jadi dibunu si Gideon ma halahi lalu dibuat ia ma sude parhiasan na adong di rungkung ni unto ni halahi.

BILANGAN 25:4

didok ma tu si Musa, “Palagut ma sude pamimpin ni Israel, dung i bunu ma halahi di jolo ni halak na bahat i gabe hatutulus ni parentangKu, anso mintop murukKu tu bangso on.”

JOHANNES 19:31

Ari Jumahat do hatiha i, i ma ari parhobasan tu Ari Pesta Paskah i. Nada tola di halak Jahudi laing gantung bangke ni halak na niparsilangkon di hayu parsilang di Ari Sabat. Tarlobi Ari Sabat na gumodang do Ari Sabat on. Jadi hara ni i dipangido halak Jahudi i ma tu si Latus anso niponggolan holi-holi ni pat ni angka na diparsilangkon i anso nipaijur bangke ni halahi sian hayu parsilang i.

MASMUR 18:41

Marsurak halahi, hape so adong na mangurupi, pio-pio halahi tu Tuhan, nada ra Ia mangalusi.

MASMUR 149:7

laho manaluhon angka bangso, jana manguhumisa;