JOHANNES 9:5 - BIBEL JAMITA NA DENGGAN

⁵ Salolot di tano on Au, Au do sinondang ni portibi on.”

JOHANNES 9:5 Referans Kwoze

JOHANNES 8:12

Didok Jesus dope mangulahi tu halahi, “Au do sinondang ni portibi on. Dapotan sinondang hangoluan do sanga ise na mangihutkon Au. Nada be mardalan di na golap halahi.”

JOHANNES 12:46

Songon sinondang do Au di na ro tu portibi on, anso sude halak na porsaya tu Au ulang be tinggal di na golap.

BAENON NI ANGKA RASUL 13:47

Angke songon on do diparentahon Tuhan tu hami di na nidokNia, ‘Madung Hutontuhon hamu gabe sada sondang tu angka bangso na asing na so Jahudi; anso paroonmunu haluaan tu na satano on.’ ”

EPESUS 5:14

Jana sasudena na tarida tangkas, na torang do i. Hara ni i do umbaen na didok, “Ngot ma ho na modom i, jana jongjong ma ho sian hamatean! Giot marsinondang ma Kristus di ginjangmu.”

BAENON NI ANGKA RASUL 26:18

mangungkap parnidaan ni halahi anso morot halahi sian hagolapan jana masuk tu na torang; anso malua halahi sian gomgoman ni Sibolis gabe dirajai Debata halahi. Jadi dung porsaya halahi tu Au, niampunan ma sude dosa ni halahi jana gabe anggota na tarpili ma halahi songon halak ni Debata.’ ”

HALUMBAAN 21:23

Nada pola porlu sondangan ni mataniari sanga bulan kota i, angke sinondang ni Debata do manyondangisa jana Anak Ni Biri-biri i ma lampuna.

MATEUS 4:16

Halak na maringanan di bagasan hagolapan madung marnida sondang na godang! Madung bincar sinondang na torang! Di halak na maringanan di luat na nilinggoman ni hamatean!”

BAENON NI ANGKA RASUL 26:23

i ma na mandok, angkon markancit do Kristus i na nijanjihon ni Debata i jana Ia ma halak na parjolo mulak mangolu dung jolo mate; jadi hara ni i tarpatidahon Ia ma sinondang tu bangso on bope tu angka bangso na asing.”

MALEAKI 4:2

Tapi anggo tu hamu angka na mangkabiari Au, songon mataniari bincar do kuasongKu na paluahon dohot padumpangkon hamamalum di hamu. Malua do hamu jana marjop ni roha songon anak ni lombu na baru dipalua sian barana.

JESAYA 49:6

“Pamenek tu ma ho muda hum gabe naposongKu, laho pajongjongkon marga-marga ni Jakob, laho paulakkon halak Israel na tading i. Tapi baenonKu ma ho gabe sinondang di angka bangso anso haluaan na sian Au lalu tu ujung ni tano on.”

LUKAS 2:32

i ma sinondang na manyondangi angka bangso na asing, jana gabe hamuliaan di bangsoMu, Israel.”

MATEUS 5:14

Hamu do sondang ni portibi on. Nada tarbunihon sada kota na di ginjang dolok.