JOHANNES 9:10 - BIBEL JAMITA NA DENGGAN

¹⁰ “Na tarbia do umbaen na gabe marnida matami?” ninna halahi manyapai ia.

JOHANNES 9:10 Referans Kwoze

1 KORINTUS 15:35

Betak adong manyapai, “Bia ma he jolma na mate i dipangolu mangulahi? Pamatang na bia ma dilehen tu halahi mangulahi?”

JOHANNES 9:26

Dung i didok halahi ma mangulahi tusia, “Bia dibaen Ia tu ho? Bia pambaenNia gabe marnida matamu?”

JOHANNES 9:21

Tapi anggo taringot tu na gabe marnida ia saonnari, sanga tarbia dalan ni i nada hami boto. Jana sanga ise na mambaen gabe marnida matania i, i pe nada hami boto. Tusia ma sapai hamu. Madung tuk umurnia; madung tola ia mangalusi sandiri.”

JOHANNES 9:15

Jadi disapai angka halak Parise ma bayo i sanga bia dalanna umbaen na gabe marnida matania. Dialusi bayo i ma, “Diapuskon Ia bustak tu matangku, dung i kehe au marsuap paiaskon matangki, gabe marnida ma au.”

JOHANNES 3:9

“Tarbia ma parjadi ni i?” ning si Nikodemus manyapai.

MARKUS 4:27

Modom ma ia borngin, ngot ma ia arian. Jadi disi ma same i martumbur lopus magodang. Tapi sanga na tarbia partumburna dohot parsimburna magodang same i, nada diboto ia.

PARJAMITA 11:5

Dibaen Debata do sasudena, jana nada tarbaen jolma mangastuisa. Partumbur ni ngolu na imbaru nada diboto jolma di bagasan bortian ni sada ina.

JEREMIA 36:17

Didok halahi ma tu si Barukh, “Paboa jolo tu hami, bia panyuratmu sudena on. Adong he si Jeremia paboahon on tu ho?”

JOHANNES 6:1

Dung i kehe ma Jesus mangulahi tu ipar ni Dano Galilea (na nigoaran muse Dano Tiberias).

JOHANNES 9:9

Adong na mandok, “Ia ma da i.” Tapi adong muse ma na mandok, “Nada na satompa dohot ia do i.” Tapi didok bayo i sandiri ma, “Au ma da i,” ning ia.

JOHANNES 9:11

Dialusi ia ma, “Bayo na margoar Jesus i, dibaen Ia saotik bustak di tano i, dung i didaiskon Ia ma bustak i tu matangku jana ning Ia ma, ‘Kehe ma ho marsuap tu tobat Siloam.’ Jadi kehe au. Jana disi marsuap au, marnida ma matangkon,” ning ia.