JOHANNES 9:1 - BIBEL JAMITA NA DENGGAN

¹ Di na mamolus Jesus, diida Ia ma sada halak na so marnida, na mapitung mamungka sian hatutubuna.

JOHANNES 9:1 Referans Kwoze

JOHANNES 8:59

Dung i dibuat angka halak Jahudi i ma batu giot mandanggur Jesus; tapi martabuni ma Jesus, lalu kehe Ia morot sian Bagas Ni Debata i.

JOHANNES 9:2

Disapai angka siseanNia i ma tu Jesus, “Ale Guru, ise do na mardosa, bayo on do sanga simatobangna, dibaen na mapitung ia sorang?”

JESAYA 35:5

Ungkapon ma mata ni na mapitung, sumuang ma parbinegean ni na maingol.

MATEUS 9:27

Di na kehe Jesus sian i, ro ma dua halak na mapitung mangihutkon Ia. Pio-pio ma halahi, “O, anak ni si Daud, ibo ma rohaMu mida hami!”

MATEUS 20:30

Adong ma di topi dalan i dua halak na mapitung juguk-juguk. Dung diboto halahi Jesus do na mamolus i, marsurak ma halahi, “O, Tuhan, Anak Ni si Daud, ibo ma rohaMu mida hami!” ning halahi.

MARKUS 9:21

Dung i disapai Jesus ma amangna i, “Ma sadia honok dung songon on dakdanak on?” “Mulai sian na menek do!” ning amangna i.

LUKAS 8:43

Adong ma disi sahalak anak boru na sai ro bulanna ma jabat dua bolas taon. Madung abis sinadongannia dipake ia manggarari pangubati hape nada adong na tolapsa pamalumkon ia.

JOHANNES 5:5

Adong ma disi sada bayo na dung tolu pulu salapan taon honokna marnyae.

BAENON NI ANGKA RASUL 4:22

Boti pe hara ni bayo na manjagit hamalumon na so jungada masa i, na dung marumur lobi opat pulu taon.

BAENON NI ANGKA RASUL 9:33

Marsuo ma ia disi dohot sada bayo na margoar si Eneas, na sai payak di podomanna hara ni na pangpangon ma pola salapan taon honokna.

BAENON NI ANGKA RASUL 14:8

Di Listra adong ma sada bayo na pangpangon dioban tubu, na so unjung dope malo ia mardalan hara ni galena patnia i.

BAENON NI ANGKA RASUL 28:4

Jadi dung diida halak pulo i laing gantung ulok i di tangannia, marsidokkon hatana ma halahi sama halahi, “Tontu sibunu jolma do bayo on, harana haru pe na dung malua ia sian parmaraan na di laut i, nada dipaloas Dewi Hasintongan i ia mangolu,” ninna halahi.