JOHANNES 8:54 - BIBEL JAMITA NA DENGGAN

⁵⁴ Dialusi Jesus ma, “Sugari Au mamuji diringKu sandiri, na so adong do arti ni pujianKi. Damang do na mamuji Au; jana didok hamu, Damang i do Debatamunu,

JOHANNES 8:54 Referans Kwoze

JOHANNES 8:50

Nada manjalahi sangap tu diringKu sandiri Au. Adong do Sada na manjalahisa jana Ia do na manguhumi.

PODA 25:27

Nada denggan mangan aer ni loba marlobian, songon i muse ma nada denggan manjalahi bahat pujian.

2 PETRUS 1:17

Dohot do hami disi di na nilehen ni Debata Ama i diSia hamuliaan dohot hasangapan i. Tarbege do di hatiha i sora sian Na Sun Marmulia i mandok songon on, “On do Anak haholonganKu; jop do rohangKu mida Ia!”

2 KORINTUS 10:18

Dibaen nada haposan dope na mamuji dirina, tapi na nipuji ni Tuhan i do.

BAENON NI ANGKA RASUL 3:13

Debata na nisomba ni si Abraham, si Ishak, si Jakob dohot angka ompunta i, i ma Debata na dung pasangapkon NaposoNia, i ma na margoar Jesus, na nipasahatmunu jana na nitulakmunu di adopan ni si Latus di na giot dipalua si Latus Ia.

JOHANNES 17:1

Dung sidung didok Ia songon i, manatap ma Jesus tu langit, ning Ia ma, “O ale Amang, saonnari madung dapot hatihana. Pasangap ma AnakMu anso dipasangap AnakMi muse Ho Amang.

JOHANNES 8:41

Na nibaen ni amangmunu; i do na nibaenmunu.” Dialusi halak Jahudi i ma, “Nada anak gampang hami. Hum sada do Amangnami, i ma Debata sandiri.”

JOHANNES 7:18

Anggo halak na marroha-roha mandok hatana, na manjalahi sangap tu dirina sajo do i. Tapi anggo halak na manjalahi sangap tu na marsuru ia, i ma halak na tigor; nada adong gabus disia.

1 PETRUS 1:21

Markite-hite Ia do porsaya hamu tu Debata na pangoluhon Ia mangulahi sian hamatean dohot na pasangapkon Ia. Jadi Debata do na nihaporsayaanmunu jana laing tu Debata muse ma hamu mararop ni roha.

1 PETRUS 1:12

Dipaboa Debata do tu angka panurirang i sasudena na nibaen ni halahi i laho mangoloi hamu do, jana nada na mangoloi halahi sandiri; i ma taringot tu angka na nibegemunu saonnari sian angka na manjamitahon Jamita Na Denggan. Mardongan kuaso ni Tondi Parbadia na nitongosNia sian banua ginjang do dipasahat halahi na songon i tu hamu. Salang angka surusuruan pe por do rohana mamboto barita na nipaboa ni halahi i.

JOHANNES 17:5

Amang! Pasangap ma Au saonnari markite-hite hasangapan na Hujagit rap dohot Ho dompak so dijadihon dope portibi on.

JOHANNES 7:39

Tondi Ni Debata do na nidok ni Jesus disi, i ma na giot sijagiton ni angka na porsaya tuSia. Harana nada podo ro Tondi Parbadia i, hara ni na so dipasangap dope Jesus.)

JOHANNES 5:41

Nada Hujalahi pujian sian jolma.

JOHANNES 2:11

I ma tanda hahomangan na parjolo dibaen Jesus; i ma na nibaenNia di Kana na di Luat Galilea. Dipatuduhon Jesus ma hasangapanNia markite-hite hahomangan i. Gabe porsaya ma tuSia angka siseanNia i.

HOSEA 1:9

Dung i didok Ia ma, “Baen ma goar ni anakmi si Lo-Ami, angke nada bangsongKu be hamu, jana nada Debatamunu Au.”

JESAYA 66:5

Tangihon hamu ma sanga aha na nidok ni Tuhan, hamu ale angka na mabiar dohot na burju mangoloi Ia, “Dibaen setia do hamu tu Au, gabe sihagigian ma hamu di deba sian bangsomunu sandiri jana nada ra halahi margaul dohot hamu. Pacia-ciaon ni halahi ma hamu mandok, ‘Sai dipatidahon Tuhan nian hagodanganNia jana dipalua hamu anso tarbaen hami dohot marnida hamu marjop ni roha.’ Tapi halahi sandiri do nian na giot pailaon.