JOHANNES 8:49 - BIBEL JAMITA NA DENGGAN

⁴⁹ Dialusi Jesus ma, “Nada na nisonggopan ni setan Au! Na pasangapkon Damang do Au, hape nada dipasangap hamu Au.

JOHANNES 8:49 Referans Kwoze

1 PETRUS 2:23

Di na hona incak Ia, nada mangincahi Ia mambaloskon. Dompak na niparkancitan i Ia, nada mangondam Ia; tapi dipasahat Ia do parkaroNia i tu Debata, Panguhum na tigor i.

JOHANNES 17:4

Madung Hupasangap Ama i di ginjang tano on; jana madung Hupasidung karejo na nisuru ni Ama i karejohononKu.

JOHANNES 14:13

Jana sanga aha pe na nipangidomunu di bagasan goarKu, baenonKu ma i di hamu, anso nipasangap Ama i markite-hite Anak i.

JOHANNES 11:4

Dung dibege Jesus barita i didok Ia ma, “Nada pola mate ia baenon ni nyae i. Anso marsangap do Debata umbaen na marnyae si Lasarus; anso laing dohot muse ma dipasangap Anak Ni Debata.”

JOHANNES 8:29

Jana na marsuru Au, sai rap do Ia dohot Au. Nada jungada dipadiar Ia sasada Au sajo, angke sai Hubaen do sanga aha na pasonangkon rohaNia.”

JESAYA 49:3

Didok Ia tu au, “Ho ma da naposongKu, Israel, hara ni ho, patuduhononKu ma hagodanganKu.”

JESAYA 42:21

Tuhan marpor ni roha mambaen anso malua, mangalehen pangajaranNia na godang jana marmulia.

JOHANNES 12:28

Pasangap ma goarMu da Amang!” Dung i tarbege ma sora sian langit na mandok, “Madung Hupasangap i tapi pasangaponKu dope i mangulahi.”

JOHANNES 7:20

Dialusi halak na bahat i ma, “Na marsibolis do Ho, ise he na giot mamunu Ho?”

BAENON NI ANGKA RASUL 5:41

Morot ma halahi sian rapot ugamo i mardongan jop ni roha, harana na dung dietong roha ni halahi do patut marlayas hara ni Jesus.

1 KORINTUS 11:14

Nada he dipatuduhon bako ni jolma i do tu hamu, paboa hailaan do di sada halaklahi muda ginjang obukna?

1 KORINTUS 15:43

Na nitanom di bagasan halayason, mulak mangolu ma i di bagasan hasangapan. Na nitanom di bagasan hagaleon mulak mangolu ma i di bagasan hagogoan.