JOHANNES 8:48 - BIBEL JAMITA NA DENGGAN

⁴⁸ Dialusi halak Jahudi i ma, “Nada he tutu do muda hami dokkon halak Samaria do Ho, jana na nisonggopan ni setan?”

JOHANNES 8:48 Referans Kwoze

JOHANNES 7:20

Dialusi halak na bahat i ma, “Na marsibolis do Ho, ise he na giot mamunu Ho?”

JOHANNES 8:52

Dung i didok angka halak Jahudi i ma tu Jesus, “Saonnari pe anso tangkas sajo di hami, na nisonggopan ni setan do Ho! Si Abraham sandiri madung mate, songon i muse angka panurirang i. Hape didok Ho dope, ‘Sanga ise na mangoloi hatangKu, nada mate halahi salolot-lolotna.’

JOHANNES 10:20

Bahat na mandok, “Na sibolison do i! Na rintik do i! Biasi dipatangi-tangi hamu i?” ning halahi.

JOHANNES 4:9

Dialusi boru Samaria i ma, “Halak Jahudi do Ho hape au halak Samaria do. Biasi mangido minum Ho tu au?” (Harana na so ra do halak Jahudi mardongan dohot halak Samaria.)

MATEUS 15:7

O hamu angka pangalancap! Tutu do na nidok ni si Jesaya hian taringot tu hamu, di na nidoknia,

MATEUS 12:24

Dung dibege halak Parise songon i, ninna halahi ma, “Nada dipaisir Ia angka setan ia so markite-hite si Beelsebul kapala ni setan i.”

MATEUS 10:25

Muda sarupa sada sisean dohot guruna jana sada naposo dohot tuanna, sapatutna madung tuk songon i di halahi. Muda digoari halahi nampuna bagas i si Beelsebul, mur ma halak na sabagas i. Goar na jumatjat noma dokkonon ni halahi.”

MATEUS 10:5

Disuruhon Jesus ma rasul na dua bolas halak i dung jolo ditonai Ia halahi songon on, “Ulang kehe hamu tu huta ni halak na asing, dohot tu kota ni halak Samaria.

JAKOBUS 2:19

Nada he porsaya do ho hum sada do Debata? Denggan do i! Tapi setan i pe porsaya do jana humitir halahi hara ni biarna!

SURAT NI SI PAULUS TU PARLAGUTAN ROM 15:3

Harana, Kristus pe nada hasonanganNia sajo dipikirkon Ia. Songon na tarsurat, “Sude incak-incak na tu hamu, gabe tu Au do madabu.”

JOHANNES 13:13

Digoari hamu do Au Guru dohot Tuhan. Tutu do na nidokmunu i; harana Guru do Au tutu jana Tuhan.

JESAYA 53:3

Dipasiding halak ia jana dipalayas, halak na somal marhancit do ia jana na mardangol, na layas sajo do ia, lopus ditutup halak bohina maradopkon ia, jana di hita pe nada masuk etongan ia.

JESAYA 49:7

Maradopkon halak na tarlobi dipalayas, jana na nihagigihon ni angka bangso, boti na gabe naposo ni angka parkuaso, didok Debata Sipalua ni Israel: “Idaon ni angka raja ma pambaenanKu; jongjong ma halahi mamparsangapi Au. Laing idaon ni angka parkuaso muse ma i, lalu marsinggang ma marsomba halahi.” Tarjadi ma sudena i hara ni Tuhan na setia, Debata Na Badia ni Israel madung manodo naposoNa.

IBRANI 13:13

Hara ni i, beta ma tadapotkon Ia di ruar ni bandar i jana dohot ma hita niincahan rap dohot Ia.

MATEUS 12:31

Hara ni i, Hudok ma tu hamu, sude dosa dohot hata na jat na nipardok ni halak, tarsesa do i! Tapi anggo hata na mangincahi Tondi Parbadia nada tarsesa i!

MATEUS 11:18

Ro ma si Johannes – nada mangan, nada minum ia, hape didok halak ia ‘na hona setan!’

JOHANNES 1:19

Jana on ma na disaksihon ni si Johannes hatiha na disuru ni halak Jahudi na sian Jerusalem angka malim dohot halak Levi laho manyapai ia, “Ise dehe ho?”

JOHANNES 8:22

Dung i didok angka parkuaso ni Jahudi i ma, “AropKu na giot manyingkot ma Ia, harana didok Ia, ‘Tu inganan hakeheanKu nada tarbaen hamu ro tusi.’ ”