JOHANNES 8:29 - BIBEL JAMITA NA DENGGAN

²⁹ Jana na marsuru Au, sai rap do Ia dohot Au. Nada jungada dipadiar Ia sasada Au sajo, angke sai Hubaen do sanga aha na pasonangkon rohaNia.”

JOHANNES 8:29 Referans Kwoze

JOHANNES 6:38

Angke umbaen na mijur pe Au sian banua ginjang, na giot patuluskon hagiot ni na marsuru Au do, nada hagiotKu sandiri.

JOHANNES 16:32

“Ligi hamu ma: Ro ma hatihana, jana tardok madung lalu i, paserahon ma hamu. Marmulahan be ma hamu tu bagasmunu jana tinggalkononmunu ma sada Au. Hape nada mamunjung Au, angke rap do Ama i dohot Au.

JOHANNES 4:34

Dung i didok Jesus ma, “Anggo sipanganonKi, i ma na mangihutkon hagiot ni na marsuru Au, jana pasidungkon parkarejoan na nilehenNia sikarejohononKu.

JOHANNES 15:10

Muda diihutkon hamu angka parentangKu, mangolu ma hamu sian holong ni rohangKu, laing songon Au na mangolu hara ni holong ni roha ni Damang, angke Huihutkon do na niparentahonNia.

JOHANNES 5:30

“Nada tarpatupa Au sanga aha pe anggo sian roha-rohangKu sandiri. Sanga aha na niparentahon ni Debata tu Au, hombar tusi do Au manontuhon uhuman. Hara ni i, adil do na Huputuskon i, angke nada na mambaen roha-rohangKu sandiri Au. Hagiot Ni Damang na marsuru Au, i sajo do na Huoloi.

JESAYA 42:1

“Ligi, indu do naposongKu na Hutiop, naposo todoan ni rohangKu, lomo do rohangKu disia. Madung Hulehen kuasongKu tusia, laho maroban hatigoran tu angka bangso sudena.

JOHANNES 8:16

Tapi sugari pe adong halak na Huuhumi, tigor do haputusanKu, harana nada hum Au sandiri, rap do Au dohot Damang i na marsuru Au.

1 JOHANNES 2:1

Hamu angka dakdanakku! Hubaen surat on tu hamu, anso ulang mambaen dosa be hamu. Tapi muda adong na mambaen dosa, adong do di hita sada pangurupi di adopan ni Ama i, i ma Jesus Kristus na tigor i.

2 TIMOTEUS 4:17

Tapi madung didongani Tuhan au disi. Dipargogoi Ia do au, gabe margogo au manjamitahon Jamita i sudena anso laing dibege sudena angka halak na so Jahudi. Jana malua do au sian baba ni singa.

JOHANNES 14:31

Tapi anso diboto portibi on na holong do rohangKu mida Ama i, i do umbaen na Hukarejohon sandok na nisuruhon ni Ama i karejohononKu. I pe, beta ma hita kehe sian on.”

JOHANNES 17:4

Madung Hupasangap Ama i di ginjang tano on; jana madung Hupasidung karejo na nisuru ni Ama i karejohononKu.

MATEUS 17:5

Dompak na mandok hata i si Petrus, dihaliangi ombun na torang situtu ma halahi. Dung i adong ma sada sora sian ombun i na mandok, “On ma AnakKu na Huhaholongi, na pasonangkon rohangKu. Tangihon hamu ma Ia!”

MATEUS 3:17

Dung i tarbege ma sora sian langit na mandok, “On do AnakKu Na Huhaholongi, jop do rohangKu mida Ia.”

JESAYA 42:6

“Au ma da Tuhan, na mamiohon ho, markite-hite hasintongan, na maniop tanganmu; madung Hubaen jana Hulehen ho gabe janji tu sude jolma gabe sinondang tu angka bangso;

IBRANI 4:15

Angke anggo Malim Godang i nada malim na so dohot mangkilala angka hagaleanta. Ma pola hona uji Ia di sude ragam ni pangalaho, laing songon hita; hum i tutu, nada mardosa Ia!

JESAYA 42:21

Tuhan marpor ni roha mambaen anso malua, mangalehen pangajaranNia na godang jana marmulia.

IBRANI 7:26

Jadi Jesus i do Malim Godang na porlu di hita. Na badia do Ia; nada adong dapot disi hasalaan sanga dosa aha pe. Madung disirang Ia sian angka jolma pardosa jana dipanaek lopus tu inganan na gumincat sian langit.

2 TIMOTEUS 4:22

Sai didongani Tuhan i ma tondimu. Sai didongani asi ni roha ni Debata ma hamu!

MATEUS 3:15

Tapi dialusi Jesus ma, “Padiar ma songon i! Harana patut do oloanta sude aturan na nihalomohon ni Debata.” Jadi dididihon si Johannes ma Jesus.

1 JOHANNES 3:22

Jana sanga aha pe na tapangido sian Ia, dapot hita do i, angke burju do hita mangoloi angka tonaNia dohot patuluskon sanga aha na tumbuk tu rohaNia.