JOHANNES 8:21 - BIBEL JAMITA NA DENGGAN

²¹ Didok Jesus dope tu halahi, “Kehe ma Au jana jalahanmunu ma Au, tapi mate ma hamu di bagasan dosamunu. Tu inganan hakeheanKu, nada tarbaen hamu ro tusi.”

JOHANNES 8:21 Referans Kwoze

JOHANNES 7:34

Jalahanmunu ma Au tapi nada dapot hamu be: Harana nada tarbaen hamu ro tu ingananKi.”

JOHANNES 8:24

Hara ni i do umbaen na Hudok tu hamu, angkon mate hamu di bagasan angka dosamunu. Jana tutu do i angkon mate hamu di bagasan angka dosamunu, anggo laing na so porsaya hamu, ‘Au do ibana’.”

JOHANNES 13:33

Hamu angka dakdanakKu, nada sadia honok nari be Au rap dohot hamu. Jalahanmunu ma Au, tapi songon na dung Hudokkon i tu halak Jahudi, laing songon i ma dohononKu tu hamu: Nada tarbaen hamu ro tu inganan hakeheanKi.

EPESUS 2:1

Na mate do hamu najolo hara ni na nilaosimunu angka parenta ni Debata jana mardosai hamu.

JOHANNES 12:35

Dialusi Jesus ma, “Santongkin nari sajo noma hatiuran i di tonga-tongamunu. Jadi dalani hamu ma sidalananmunu salolot laing adong na torang i anso ulang ditutupi hagolapan i hamu. Sanga ise na mardalan di na golap nada diboto ia sanga na giot tu dia ia kehe.

JOHANNES 12:33

Na paboahon pangalaho ni hamateanNia na di parsilangkon i do na nidokNia songon i.

MATEUS 25:46

Hara ni i uhumon ma angka halak sisongon i dohot uhuman na manongtong. Hape anggo halak na mambaen lomo ni roha ni Debata mangolu ma halahi jana marjop ni roha dohot Debata.”

MATEUS 25:41

Dung i didok Raja i ma tu halak na di siambirangNia i, ‘Morot ma hamu sian on, hamu angka na hona bura! Masuk ma hamu tu api na so ra mintop na niparade di Sibolis dohot di angka surusuruanna!

MATEUS 23:39

Au mandok tu ho: Mamungka sian on nada idaonmu be Au lopus didok hamu, ‘Sai dilehen Debata ma pasupasu di na ro mangasahon goar ni Tuhan.’ ”

JESAYA 65:20

Nada adong be dakdanak na mate dompak menek, jana halak na magodang sayur matua bulung, halak na mate marumur saratus taon laing etongon dope na poso, jana na mate painte so marumur saratus taon etongon do i na hona uhum.

PODA 14:32

Mate do halak na jahat hara ni jahat ni parbuatanna; tapi malua do halak na burju hara ni hadenggananna.

PODA 11:7

Mago do arop ni roha ni halak parjahat di hamateannia, jana nada marguna arop ni rohania i.

JOB 20:11

Haru pe poso ia jana tohong margogo, hape santongkin nari gabe hum abuan ni tano.

1 RAJA-RAJA 18:10

Mangasahon Debatamu Tuhan na mangolu i, husumpahon ma, na dung disuru raja i do manjalahi ho amang di ganop luat di na satano on. Muda didok parkuaso di sada luat na so adong ho di luat i, digogohon si Ahab do anso marsumpa parkuaso i paboa na tutu situtu na so adong tarida ho amang di luat i.

JOHANNES 7:36

Aha dehe maksudNia mandok, ‘Jalahanmunu ma Au tapi nada dapot hamu Au,’ dohot, ‘Nada tarbaen hamu ro tu ingananKi?’ ”