JOHANNES 7:42 - BIBEL JAMITA NA DENGGAN

⁴² Harana di Buku Na Badia i tarsurat, sian pomparan ni si Daud do Kristus i jana sorang di Betlehem, i ma Kota Ni si Daud i.”

JOHANNES 7:42 Referans Kwoze

MIKA 5:2

Hara ni i padiaronnia ma halahi lopus tubuan anak sada dadaboru na denggan hian pamatangna. Dung i pasadaonna ma mangulahi angka dongan sabangsona na adong di habuangan dohot bangso ni halahi.

MATEUS 2:5

Dialusi halahi ma, “Di kota Betlehem do, i ma na di Luat Judea. Harana songon on do disuratkon panurirang,

LUKAS 2:4

Si Josep pe kehe ma sian Nasaret na di Galilea tu Betlehem na di Judea kota hasorangan ni Raja Daud. Harana pomparan ni si Daud do si Josep.

JEREMIA 23:5

Didok Tuhan ma, “Dapot do i hatihana, patubuonKu ma di pomparan ni si Daud sada tunas na tigor. Marhite bisuk mamarenta raja i, jana patulusonna hatigoran dohot hatutuan di sandok luat.

LUKAS 2:11

Madung sorang sadari on di Kota Ni si Daud, Sipalua i, i ma Kristus Tuhan i.

MATEUS 1:1

Songon on ma tarombo ni angka ompu na umpompar Jesus Kristus, pomparan ni si Daud, pomparan ni si Abraham. Sian si Abraham lalu tu si Daud dapot ma angka goar na di toru on:

JESAYA 11:1

Songon hayu na nitaba do pomparan ni si Daud anak ni si Isai i. Tapi tubu do tunas sian tungko ni si Isai i jana sorang do anakna sian uratna i.

MASMUR 132:11

Mardongan sumpa do dijanjihon Ho tu si Daud, jana nada tarihonMu be janjiMi mangulahi. NingMu do, “Sada sian anakmu baenonKu gabe raja; ia ma manggontihon ho marhabangsa.

1 SAMUEL 16:1

Dung adong sadia honok mangkuling ma Tuhan tu si Samuel, “Sadia honok nari ho marsak patunda ni si Saul i? Nada he na dung Hutulak do i gabe raja ni Israel? Saonnari buat ma miak zetun jana kehe ma ho tu Betlehem, mandapotkon sada halak na margoar si Isai, dibaen madung Hutodo sada halak sian angka anaknia i na gabe raja.”

MASMUR 89:4

‘Habangsamu hot do dijuguhi pomparanmu sandiri.’ ”

1 SAMUEL 16:18

Umbege i, didok sada halak hatobannia i ma, “Adong do anak ni si Isai na sian kota Betlehem na malo marmusik. Na barani do i jana sada parangan na burju. Boti muse na togap jana na malo mandok hata, jana didongani Tuhan do ia.”

JOHANNES 7:27

Hape anggo haroro ni Kristus i nada dong halak na umboto i sanga sian dia asalNa! Anggo Bayo on, inda he taboto do asalNia.”

1 SAMUEL 17:58

Dung i disapai si Saul ma tusia, “Anak ni ise dehe ho, doli-doli?” Dialusi si Daud ma, “Anak ni si Isai na sian Betlehem do au.”

1 SAMUEL 16:4

Dibaen si Samuel ma songon na nidok ni Tuhan i. Disi lalu ia di Betlehem, dialo-alo angka pamimpin ni kota i ma ia tarsonggot be jana disapai halahi ma, “Na maroban hahorasan dehe ulaning haroro ni ompu i?”

MATEUS 2:6

‘Anggo ho ale Betlehem na di Luat Juda, inda bagi na ummenek ho sian angka kota na tarbonggal di Juda. Angke sian ho do ro sahalak Uluan, na manguluhon bangsongKu Israel.’ ”

1 JUJUR TAON 2:51

Si Salma anaknia na paduahon, i ma na mamungka kota Betlehem; jana si Harep anaknia patoluhon, i ma na mamungka kota Bet-Gader.