JOHANNES 7:17 - BIBEL JAMITA NA DENGGAN

¹⁷ Sanga ise na ra mangihutkon hagiot ni Debata, botoon ni halahi ma sanga na sian Debata do pangajaranKi, sanga na sian roha-rohangKu sandiri.

JOHANNES 7:17 Referans Kwoze

JOHANNES 8:43

Hara ni aha dehe umbaen na so diastui hamu na Hudok i? Angke nada tahan hamu umbege pangajaranKi.

JOHANNES 8:47

Sanga ise na ro sian Debata ditangihon Ia do na nidok ni Debata. Tapi anggo hamu nada sian Debata hamu, hara ni i ma umbaen na so ra hamu manangihon i.”

BAENON NI ANGKA RASUL 17:11

Umburju do roha ni halak Berea ulang pado halak na di Tessalonika. Jop do roha ni halahi umbege barita taringot tu Jesus, jana ganop ari do dipareso-reso halahi Buku Na Badia i laho patangkaskon sanga na tutu do na niajarkon ni si Paulus.

DANIEL 12:10

Bahat do halak na giot papolinon. Nada mangarti anggo halak na jahat, jana torus do halahi mambaen jahat; hum halak na marbisuk do na mangastuisa.

LUKAS 8:15

Same na madabu tu tano na napu i, i ma manggambarkon angka halak na umbege hata i, jana na manjagohon sadenggan-dengganna di bagasan roha ni halahi. Burju do halahi jana sobar, gabe tulus ma marbatuhon parbatu na denggan.”

MASMUR 25:12

Diajarkon Tuhan do tu halak na unduk roha, dalan na giot bolusonna.

MIKA 4:2

dokkonon ni halahi sudena ma, “Manangkok ma hita tu dolok ni Tuhan tu Bagas Ni Debata na nisomba ni Israel bangsoNa! AjarkononNia ma tu hita sanga aha na patut baenonta. Ihutkononta ma dalan na nipiliNia. Angke sian Sion do haroro ni pangajaran, jana hata ni Tuhan sian Jerusalem.”

JESAYA 35:8

Gabe adong ma disi dalan godang, goarna “Dalan na tu hangoluan.” Nada boluson ni pardosa sian i, na bodo nada ihutkononna sian i.

MALEAKI 4:2

Tapi anggo tu hamu angka na mangkabiari Au, songon mataniari bincar do kuasongKu na paluahon dohot padumpangkon hamamalum di hamu. Malua do hamu jana marjop ni roha songon anak ni lombu na baru dipalua sian barana.

MASMUR 25:14

Ale-ale ni Tuhan do halak na mabiar tuSia jana dipaboa Ia do janjiNa tu halahi.

MASMUR 119:10

Sian sandok rohangku huusahahon do laho mananda Ho, ulang padiar au manyimbil sian parentaMu.

MATEUS 6:22

“Mata i do songon lampu di pamatang. Muda torang matamu, gabe torang do sude pamatangmu.

HOSEA 6:3

Hara ni i, tahaburjuhon ma laho mananda Tuhan. Pasti do ro Ia tu hita songon parbincar ni mataniari jana songon udan na mangaehi tano di ujung ni ari nonat.”

PODA 3:32

angke sogo do roha ni Tuhan mida halak na mambaen na jahat, tapi dipatulus Ia do sangkap ni halak na tigor.

PODA 28:5

Nada diastui halak na so hasaya hatigoran, tangkas sajo do i diastui halak na manyomba Tuhan.

JOHANNES 3:21

Tapi anggo halak na mangkarejohon hasintongan, ro do ia tu na torang i; anso tarida angka pambaenna i, angke madung dibaen i markite-hite Debata.”

JOHANNES 8:44

Angka anak ni Sibolis do hamu. Jadi hagiot ni amangmunu do na nijalahanmunu. Sian mula-mulana do Sibolis i sibunu jolma. Nada mangolu dibagasan hatutuan ia, harana nada adong disia hatutuan. Pargabus do Sibolis, angke songon i hian do bako ni i. Tutu do pargabus Sibolis i, ia do ama ni sandok gabus.