JOHANNES 6:53 - BIBEL JAMITA NA DENGGAN

⁵³ Dung i didok Jesus ma tu halahi, “Tutu do na Hudok on di hamu: Anggo so dipangan hamu do pamatang ni Anak Ni Jolma i jana nada diinum hamu mudarNia, nada adong hangoluan na tutu di bagasan hamu.

JOHANNES 6:53 Referans Kwoze

1 JOHANNES 5:12

Sanga ise na maruli di Anak i, i do na maruli di ngolu na manongtong i; jana halak na so maruli di Anak Ni Debata i, nada maruli di ngolu i.

JOHANNES 6:55

Angke pamatangKu do sipanganon na tutu jana mudarKu do siinumon na tutu.

JOHANNES 15:4

Tinggal ma hamu di bagasan Au, jana Au di bagasan hamu. Anggo ranting, nada tarbaen marbatu sian dirina, anggo so tinggal di bona ni anggur i. Laing songon i do muse hamu muda so tinggal di bagasan Au.

JOHANNES 6:47

“Tutu do na Hudok on tu hamu: Halak na porsaya tu Au, i do na marhangoluan na so mantak.

JOHANNES 3:3

Dialusi Jesus ma, “Tutu do na Hudok on: Nada tarbaen sanga ise pe gabe anggota ni Harajaan Ni Debata, anggo so jolo sorang ia mangulahi.”

HALUMBAAN 2:17

Ditangihon na marpinggol i ma na nidok ni Tondi i tu angka parlagutan i. Di na monang i do lehenonKu mangan sian manna na buni, jana lehenonKu ma disia batu na bontar. Niuhir do di batu i sada goar na imbaru na so binoto ni sanga ise pe asing sian halak na manjagit i.”

JOHANNES 3:36

Sanga ise na porsaya tu Anak i, halahi do na maruli ngolu na manongtong. Tapi anggo halak na so ra porsaya tu Anak i indangkon na dapot ni halahi ngolu na manongtong i, jana hamumuruk ni Debata do tongtong adop halahi.

MATEUS 18:3

Sasintongna do na Hudok on tu hamu, “Muda so muba rohamunu jana mulak songon dakdanak on, nada tarbaen hamu masuk tu Harajaan Ni Banua Ginjang.

JOHANNES 3:5

Dialusi Jesus ma, “Tutu do na Hudok tu ho: Anggo so sorang halak sian aek dohot sian Tondi, nada tarbaen gabe parsidohot di Harajaan Ni Debata.

LUKAS 13:5

Nada! Tapi ingot hamu ma, hamu pe angkon laing mate do sude sarupa dohot halahi, muda so muba hamu sian angka dosamunu i.”

LUKAS 13:3

Nada! Tapi ingot hamu ma, anggo so muba do hamu sian angka dosamunu, hamu pe laing mate do sude songon halahi.

JOHANNES 13:8

Didok si Petrus ma, “Ulang Tuhan. Bagi na bia pe nada tola ho mamasu patkon!” Tapi didok Jesus ma tusia, “Anggo so Hubasu do patmon, nada tola be ho gabe siseanKu.”

MATEUS 5:18

Ingot ma! Salolot adong langit dohot tano on, satitik sanga sahurup na menek pe nada tola nisesa sian Tona i, lopus tulus sudena i!

HALUMBAAN 2:7

Ditangihon na marpinggol i ma na nidok ni Tondi i tu angka parlagutan i. Di na monang i do lehenonKu mangankon parbatu ni hayu hangoluan, na di Pirdaus.”

MATEUS 8:20

Dialusi Jesus ma, “Marliang do sorigala, marasar do angka unggas, tapi anggo Anak Ni Jolma i, i ma suruan ni Debata, nada adong inganan hapayahan ni uluNia.”

JOHANNES 6:51

Au do roti na mijur sian banua ginjang i, i ma sipanganon na mangalehen hangoluan. Halak na mangankon sipanganon on, mangolu ma salolot-lolotna. Anggo sipanganon na giot lehenonKi, i ma pamatangKu. LehenonKu ma pamatangKon anso mangolu portibi on.”

JOHANNES 6:62

Bia do muda diida hamu saulahon Anak Ni Jolma i mulak manaek tu ingananna humani?