JOHANNES 6:42 - BIBEL JAMITA NA DENGGAN

⁴² Didok halahi ma, “Na he Jesus anak ni si Josep i do on? Hami tanda do amangNia dohot inangNia! Biasi ma he didokkon Ia na mijur sian banua ginjang Ia?”

JOHANNES 6:42 Referans Kwoze

LUKAS 4:22

Di parhatutu halahi do Ia jana homang do roha ni halahi hara ni dengganna sude hata na nidokNia i. Didok halahi ma, “Inda he anak ni si Josep on?”

MARKUS 6:3

Na he tukang hayu do Ia, i ma anak ni si Maria i? Angka si Jakobus, si Joses, si Judas dohot si Simon na he anggiNia do i? Jana nada he rap dohot hita do angka ibotoNia i?” Hara ni i ma umbaen na so ra halahi manjagit Ia.

GALATIA 4:4

Tapi dung dapot hatiha hadenggananna, disuru Debata ma AnakNia i tu portibi on. Na sorang sian sada dadaboru do AnakNa i jana na mangolu di toru ni Tona i.

1 KORINTUS 15:47

Sian tano do dijadihon anggo si Adam na parjolo i, tapi anggo si Adam na paduahon sian banua ginjang do i.

JOHANNES 6:62

Bia do muda diida hamu saulahon Anak Ni Jolma i mulak manaek tu ingananna humani?

JOHANNES 6:38

Angke umbaen na mijur pe Au sian banua ginjang, na giot patuluskon hagiot ni na marsuru Au do, nada hagiotKu sandiri.

SURAT NI SI PAULUS TU PARLAGUTAN ROM 9:5

Pomparan ni angka ompunta i do halahi, jana hajolmaon ni Kristus i pe sian bangso ni halahi do asalna. Gumincat dope Ia sian sasudena. Tarpuji ma Debata ro di salolot-lolotna! Amen.

JOHANNES 1:45

Dung i marsuo muse ma si Pilipus dohot si Natanael jana didok ia ma, “Madung marsuo hami dohot Ia na nidok ni si Musa di bagasan Buku Tona i, dohot na nidok ni angka panurirang, i ma Jesus anak ni si Josep halak Nasaret i.”

JOHANNES 3:13

So na adong sahalak pe na jungada manaek tu banua ginjang, tapi anggo sian banua ginjang madung adong Sahalak na mijur tu tano on, i ma Anak Ni Jolma i.”

JOHANNES 6:43

Dung i didok Jesus ma tu halahi, “Ulang marungut-ungut hamu.