JOHANNES 5:5 - BIBEL JAMITA NA DENGGAN

⁵ Adong ma disi sada bayo na dung tolu pulu salapan taon honokna marnyae.

JOHANNES 5:5 Referans Kwoze

BAENON NI ANGKA RASUL 3:2

Di pintu na margoar “Pintu Na Jeges”, adong ma sada bayo na pangpang hian sian mulai sorang. Ganop ari do bayo on dioban halak tusi mangido-ido sidoka tu angka jolma na marroan tu Bagas Ni Debata.

LUKAS 8:43

Adong ma disi sahalak anak boru na sai ro bulanna ma jabat dua bolas taon. Madung abis sinadongannia dipake ia manggarari pangubati hape nada adong na tolapsa pamalumkon ia.

MARKUS 9:21

Dung i disapai Jesus ma amangna i, “Ma sadia honok dung songon on dakdanak on?” “Mulai sian na menek do!” ning amangna i.

BAENON NI ANGKA RASUL 14:8

Di Listra adong ma sada bayo na pangpangon dioban tubu, na so unjung dope malo ia mardalan hara ni galena patnia i.

LUKAS 13:16

Antong, saonnari dison adong sada halak anak boru pinompar ni si Abraham, na dung pola salapan bolas taon honokna dirahuti Sibolis i. Na so tola dehe ia dipalua sian ihot-ihotnia di Ari Sabat?”

BAENON NI ANGKA RASUL 9:33

Marsuo ma ia disi dohot sada bayo na margoar si Eneas, na sai payak di podomanna hara ni na pangpangon ma pola salapan taon honokna.

JOHANNES 9:1

Di na mamolus Jesus, diida Ia ma sada halak na so marnida, na mapitung mamungka sian hatutubuna.

JOHANNES 5:14

Dung i marsuo ma Jesus dohot bayo i di Bagas Ni Debata. Didok Jesus ma tusia, “Saonnari madung malum ho; ulang be datdati mardosa. Angke muda mambaen dosa dope ho, na jumatjat sian on dope taononmu saulahon.”

BAENON NI ANGKA RASUL 4:22

Boti pe hara ni bayo na manjagit hamalumon na so jungada masa i, na dung marumur lobi opat pulu taon.

JOHANNES 9:21

Tapi anggo taringot tu na gabe marnida ia saonnari, sanga tarbia dalan ni i nada hami boto. Jana sanga ise na mambaen gabe marnida matania i, i pe nada hami boto. Tusia ma sapai hamu. Madung tuk umurnia; madung tola ia mangalusi sandiri.”

JOHANNES 5:4

Harana sai mijur do huhul surusuruan ni Tuhan tu bagasan paridian i, manggaor aek i. Jana sanga ise sian na marnyae i parjolo masuk tu paridian i hatiha manggulsak aekna i, malum ma nyaena i; sanga na nyae aha pe angkon malum.]

JOHANNES 5:6

Diida Jesus ma ia modom disi, jana diboto Jesus ma na dung honok bayo i marnyae; gabe didok Jesus ma tusia, “Giot dehe ho malum?”