JOHANNES 5:16 - BIBEL JAMITA NA DENGGAN

¹⁶ Markite-hite i, dipungka halak Jahudi ma mangaroha-rohai Jesus, hara ni na nipamalumNia halak di Ari Sabat.

JOHANNES 5:16 Referans Kwoze

JOHANNES 15:20

Ingot hamu ma hata na Hudok on tu hamu, ‘Nada gumodang naposo sian morana.’ Muda diparkanciti halahi Au, hamu pe laing parkancitan ni halahi muse do. Muda diihutkon halahi pangajaranKi, laing ihutkonon ni halahi muse ma angka pangajaranmunu.

JOHANNES 10:39

Giot ditangkup halahi ma Ia tapi malua do Ia sian tangan ni halahi.

JOHANNES 7:25

Dung i adong ma deba halak Jerusalem na mandok, “Na he on do halakna, na giot bunuon ni halahi i?

JOHANNES 5:13

Tapi hape na so ditanda bayo na malum i dope sanga ise halakna, hara ni bahat ni jolma disi. Jesus pe nada haidaan be di tonga-tonga ni halak na bahat i jana madung kehe Ia sian inganan i.

LUKAS 6:11

Tapi anggo halak Parise i dohot angka Siboto Surat na disi, milas sajo ma roha ni halahi, martahi ma halahi sanga songon dia baenon ni halahi tu Jesus.

MARKUS 3:6

Marmorotan ma angka halak Parise i, ditinggalkon halahi ma bagas paribadatan i. Manigor marpokat ma halahi dohot angka halak na saroha dohot si Herodes laho mamunu Jesus.

MATEUS 12:13

Dung i didok Jesus ma tu partangan na mate sabariba i, “Pahortang ma tanganmi.” Jadi dipahortang ia ma antong! Gabe malum ma manigor, sarupa dohot tangannia na sabariba nari.

JOHANNES 1:19

Jana on ma na disaksihon ni si Johannes hatiha na disuru ni halak Jahudi na sian Jerusalem angka malim dohot halak Levi laho manyapai ia, “Ise dehe ho?”

JOHANNES 5:10

Jadi hara ni i didok angka pamimpin ni halak Jahudi ma tu bayo na baru malum i, “Ari Sabat do da sadari on. Nada tola obanonmu lagemi.”

JOHANNES 5:15

Jadi kehe ma bayo i paboahon tu angka pamimpin ni halak Jahudi, Jesus do hape na pamalumkon ia.

JOHANNES 5:17

Tapi didok Jesus ma tu halahi, “Tongtong do markarejo Damang; jana Au pe angkon laing markarejo do.”

JOHANNES 5:18

Angka pandohan ni Jesus i ma mambaen mur dirohai angka pamimpin ni halak Jahudi i giot mamunu Ia. Nada hum hara ni na mangalanggar tona ni ugamo sajo, i ma taringot tu Ari Sabat umbaen na songon i dibaen halahi, tapi dohot do muse hara ni hataNia na mandok AmangNia Debata; astuanna disarupahon Ia ma Ia dohot Debata.

JOHANNES 7:21

Dialusi Jesus ma, “Hum sada dope Hubaen pangalaho na so somal ma longang hamu sude.