JOHANNES 5:10 - BIBEL JAMITA NA DENGGAN

¹⁰ Jadi hara ni i didok angka pamimpin ni halak Jahudi ma tu bayo na baru malum i, “Ari Sabat do da sadari on. Nada tola obanonmu lagemi.”

JOHANNES 5:10 Referans Kwoze

JOHANNES 9:16

Adong ma deba sian halak Parise i na mandok, “Nada sian Debata asal ni Bayo na mambaen i, harana dilanggar Ia do tona ni ugamo taringot tu Ari Sabat.” Tapi didok halak na asing ma, “Dia ma tarbaen halak pardosa patupa angka hahomangan sisongon i?” Paasing-asing pandapot ma halahi.

LUKAS 6:2

Jadi didokkon deba sian halak Parise ma tu halahi, “Biasi dehe dibaen hamu na so jadi baenon di Ari Sabat i?”

JEREMIA 17:21

Songon on do ditonahon Tuhan: ‘Muda nada giot hamu mate, ulang ma maroban barang hamu di Ari Sabat, sanga marobansa mamolus sian angka pintu horbangan ni Jerusalem.

LUKAS 13:14

Muruk ma kapala ni bagas paribadatan i, hara ni na nipamalum ni Jesus halak di Ari Sabat. Didok ia ma tu angka halak na disi, “Onom ari honokna markarejo hita, marroan ma di angka ari i na giot sipamalumon, ulang ma hatiha di Ari Sabat!”

MARKUS 3:4

Jadi disapai Ia ma angka halak na disi i, “Mangihutkon ugamonta, aha do na tola baenonta di Ari Sabat? Mambaen na denggan do sanga mambaen na jahat? Manolong halak do sanga mangago halak?” Tapi sip sajo do halahi.

MARKUS 2:24

Gabe didok halak Parise ma tuSia, “Ligi ma! Biasi dilanggar angka anak siseanMi Tona ni ugamonta? Dipambaeni halahi do na so tola baenon di Ari Sabat!”

JOHANNES 5:16

Markite-hite i, dipungka halak Jahudi ma mangaroha-rohai Jesus, hara ni na nipamalumNia halak di Ari Sabat.

JOHANNES 7:23

Muda disunat hamu halak di Ari Sabat, anso ulang mangalanggar Parenta Ni si Musa, biasi anggo songon i muruk hamu tu Au hara ni na Hupamalum sahalak di Ari Sabat?

LUKAS 23:56

Dung i mulak ma halahi, dipature halahi ma angka parmasak dohot miak na huskus silapuhonon tu bangke ni Jesus. Ancogotna i, di Ari Sabat, maradian be ma halahi markarejo mangoloi angka Tona ni ugamo Jahudi.

JEREMIA 17:27

Tarjadi ma sudena i muda dung marpangoloion hamu tu Au jana diparbadia i hamu Ari Sabat i songon ari na mardohonan. Ulang maroban barang bagi aha pe hamu mamolus sian angka horbangan ni Jerusalem anggo di ari i. Muda dilanggar hamu do angka na Huparentahon i, tutungonKu abis angka horbangan ni Jerusalem i dohot angka bagas godang na disi jana nada haintopan api i.’ ”

JESAYA 58:13

“Muda nada didege-dege hamu aturan ni Sabat jana nada dikarejohon hamu siurusonmunu di aringKu na badia i, muda didok hamu Ari Sabat i ari na marhasonangan, jana ari na badia ni Tuhan i ari na marmulia; muda dipasangap hamu ari i marhite na so mangkarejohon karejomunu dohot na so mambaen urusanmu sanga na marhata na rumar,

MATEUS 12:10

Adong ma disi sada halak na mate tanganna sabariba. Jadi disapai halak na manjalak-jalahi hasalaan ni Jesus ma Ia, “Atehe tola do pamalumon halak di hatiha Ari Sabat?”

JOHANNES 1:19

Jana on ma na disaksihon ni si Johannes hatiha na disuru ni halak Jahudi na sian Jerusalem angka malim dohot halak Levi laho manyapai ia, “Ise dehe ho?”

JOHANNES 5:11

Tapi ning ia ma mangalusi, “Halak na pamalumkon au nangkin do na marsuru au; didok Ia, ‘Oban ma lagemi, mardalan ma ho.’ ”

JOHANNES 5:15

Jadi kehe ma bayo i paboahon tu angka pamimpin ni halak Jahudi, Jesus do hape na pamalumkon ia.