JOHANNES 4:46 - BIBEL JAMITA NA DENGGAN

⁴⁶ Jadi bolkas ma Jesus tu Kana di Galilea, di kota i ma na nibaenNia aek gabe anggur. Adong ma sahalak pagawe ni bagas godang na topet marnyae anakna di Kapernaum.

JOHANNES 4:46 Referans Kwoze

LUKAS 8:42

dibaen giot mate ne ma borunia na dung marumur dua bolas taon. Hum sada i muse do borunia. Tapi di na mardalan Jesus laho tu bagas ni si Jairus, marsisosak di ibana ma halak tuSia.

LUKAS 7:2

Adong ma disi sahalak tentara Rom na pangkat. Adong muse do sahalak naposonia jana holong sajo do rohania midasa. Jadi marnyae ma naposonia i jabat giot mate.

MATEUS 15:22

Jadi ro ma sahalak boru Kanaan sian luat i mandapotkon Jesus. Pio-pio ma ia, “O, Tuhan anak ni si Daud, ibo ma rohaMu mida au! Hona setan borungku. Ma hancit sajo!”

MATEUS 9:18

Dompak mangkata-hatai dope Jesus dohot anak sisean ni si Johannes i, ro ma sahalak pamimpin ni bagas paribadatan. Marsomba ma bayo i mandok hata tu Jesus, “On dope mate borungku, tapi ro ma jolo Ho manjamasa, anso mangolu ia.”

HOSEA 5:15

Angkon kehe do Au mulak tu ingananKu, lopus mangoku sala halahi jana manjalahi Au. Di bagasan pardangolan ni halahi gabe malungun halahi tu Au.”

MASMUR 50:15

Muda ro hasusaan, pio-pio ma ho tu Au paluaonKu ma ho, jana pujionmu ma Au.”

JOHANNES 21:2

Lagut ma hatiha i si Simon Petrus dohot si Tomas na nigoaran muse si Linduat, dohot si Natanael halak Kana na di Galilea, songon i muse angka anak ni si Zebedeus rap dohot dua halak nari sisean ni Jesus na asing.

MASMUR 78:34

Ganop dibunu Ia sanga na piga halak sian halahi, manyosal ma na asing i jana marsitutu tuSia mangulahi.

JOSUA 19:28

Ebron, Rehob, Hamon dohot Kana lopus tu Sidon.

MATEUS 4:13

Ditadingkon Ia ma kota Nasaret, kehe ma Ia maringanan tu kota Kapernaum. I ma sada kota di topi ni Dano Galilea na masuk tu Luat Zebulon dohot Naftali.

LUKAS 4:23

Dung i didok Jesus ma tu halahi, “Tontu didok hamu do umpama on tu Au: ‘Ale, pangubati, pamalum ma jolo diriMu sandiri. Angka na nipatupaMu di Kapernaum, laing songon i ma jolo baen di huta hagodanganMon.’ ”

JOHANNES 2:12

Dung i kehe ma Jesus, inangNia i dohot angka anggiNia rap dohot angka siseanNia tu Kapernaum, disi ma halahi piga-piga ari.