JOHANNES 4:29 - BIBEL JAMITA NA DENGGAN

²⁹ “Beta ma taligi halak na paboahon tu au sasudena na dung hubaen. Ia dehe Kristus i?”

JOHANNES 4:29 Referans Kwoze

HALUMBAAN 22:17

Didok Tondi i dohot Boru Oroan i ma, “Beta ma!” Jana ganop halak na umbege on angkon laing dohot ma mandok, “Beta ma!” Sanga ise na manguas, ro ma ia! Jana sanga ise na marpor ni roha, dibuat ma aek na mangalehen hangoluan i so pola mangalehen bagi aha panggararna!

JOHANNES 4:25

Didok anak boru i ma tu Jesus, “Huboto do na giot ro humani Mesias i (i ma na margoar Kristus). Jadi muda ro Ia, paboaonNia ma sasudena tu hita.”

JOHANNES 7:31

Tamba ni i, bahat muse do sian angka jolma na bahat i na porsaya tuSia, didok halahi ma, “Muda ro Kristus i tarbaen Ia dope ulaning hahomangan umbahat sian na dung binaenNia on?”

JOHANNES 7:26

Tapi ligi da! Laing marpupu do Ia mangkobari di jolo ni halak na bahat jana nada adong na mangkahua Ia, jana nada adong na mandok bagi aha tuSia! Sanga, betak na dung tangkas do diboto angka parkuasonta, na tutu do Ia Kristus i.

MATEUS 12:23

Homang ma roha ni halahi sude didokkon halahi ma, “On do ulaning pomparan ni si Daud i?”

JOHANNES 4:28

Dung i ditadingkon anak boru i ma guncinia i disi, kehe ma ia marlojong tu kota jana didok ia ma tu angka halak na di kota i,

JOHANNES 4:30

Dung i marruaran ma halak sian kota i kehe mandapotkon Jesus.

JOHANNES 4:39

Gabe bahat ma halak Samaria na sian kota i porsaya tu Jesus hara ni na nidok ni anak boru i, ‘Madung dipaboa Ia tu au sasudena parkarejoanku nabaruon.’

1 SAMUEL 9:19

Dialusi si Samuel ma, “Au do pangaligi i. Pajolo hamu ma tu inganan paribadatan i, harana mangan rap dohot au do hamu anggo sadari on. Ancogot manyogot pe hualusi sude sapa-sapamunu i, dung i tola ma hamu mulak.