JOHANNES 4:21 - BIBEL JAMITA NA DENGGAN

²¹ Didok Jesus ma, “Porsaya ma ho di Au. Sada hatiha sombaon ni halak ma Damang, nada be di dolok on jana nada muse di Jerusalem.

JOHANNES 4:21 Referans Kwoze

1 TIMOTEUS 2:8

Sanga na di dia pe angkon martangiang do angka halaklahi tu Debata sian roha na ias jana ulang mardongan muruk dohot salisi.

MALEAKI 1:11

Dipasangap angka bangso na di tano on do Au sudena. Sanga na di dia ditutung halahi do dupa laho pasangapkon Au jana dihaulkon halahi do angka haul na patut tu Au. Olo! sude do halahi pasangapkon Au!”

EPESUS 2:18

Markite-hite Kristus tarbaen ma hita sudena solkot tu Ama i – sanga na halak Jahudi sanga pe angka na so Jahudi.

JOHANNES 4:23

Tapi na giot ro do hatihana, jana madung ro saonnari, marsomba ma angka parsomba na tutu tu Ama i di bagasan Tondi dohot hasintongan; angke jop do roha ni Debata marnida halak na songon i.

MATEUS 18:20

Angke sanga di dia rap marlagut dua sanga tolu halak di bagasan goarKu, disi do Au rap dohot halahi.

EPESUS 3:14

Hara ni i ma umbaen na marsinggang au di adopan ni Ama i.

JOHANNES 16:32

“Ligi hamu ma: Ro ma hatihana, jana tardok madung lalu i, paserahon ma hamu. Marmulahan be ma hamu tu bagasmunu jana tinggalkononmunu ma sada Au. Hape nada mamunjung Au, angke rap do Ama i dohot Au.

JOHANNES 16:2

Paruaron ni halahi ma hamu sian angka bagas paribadatan. Olo, na ro do hatihana, sanga ise na mamunu hamu, diambang ia na dung mangoloi Debata ma ia, hara ni na dung dibunu ia hamu.

JOHANNES 5:28

Ulang longang rohamunu umbege on; harana ro do hatihana, sude halak na di bagasan kuburan i begeonna ma soraNia,

JEHESKIEL 14:3

“Ale anak ni jolma, na dung dipasahat ni angka jolma on do ngoluna tu gana-ganaan gabe julung halahi tu bagasan dosa. Dia dope dalanna umbaen tu Au halahi marsapa?

1 PETRUS 1:17

Didok hamu Amang tu Debata dompak martangiang hamu. Antong, Debata i do na mandabuhon uhuman tu jolma marguru tu pambaenanna be so pola mangaligi bohi. Hara ni i, salolot di tano on hamu, pagodang hamu ma Debata di ngolumunu.

BAENON NI ANGKA RASUL 6:14

Hami bege do didokkon ia, na giot rumpakkonon ni Jesus halak Nasaret i adat na denggan na nilehen ni si Musa tu hita!”

JOHANNES 14:6

Ninna Jesus ma mangalusi, “Au do dalan i dohot hasintongan dohot hangoluan. Nada adong na tarbaen ro tu Ama i anggo so markite-hite Au.

JOHANNES 5:25

Tutu do na Hudok di hamu: Ro ma hatihana, jana tardok madung ro i, begeon ni halak na dung mate i ma sora ni Anak Ni Debata, jana sanga ise na umbegesa dapotan hangoluan.

LUKAS 21:24

Adong ma na dibunu dohot podang, adong muse ma i na dioban gabe taban tu angka luat ni halak; jana dege-degeon ni halak ma Jerusalem lopus abis hatiha na dung nitontuhon ni Tuhan i tu halahi.”

MATEUS 28:19

Jadi hara ni i, kehe ma hamu tu sude bangso, baen hamu ma halahi gabe halak na mangihutkon Au. Didi hamu ma halahi di bagasan goar ni Ama, goar ni Anak dohot goar ni Tondi Parbadia.

JEHESKIEL 20:3

“Ale jolma parsantongkinan, manghobari ma ho dohot angka pamimpin i jana dok ma bahaso Au Tuhan Debata mandok songon on, ‘Na puluk ma hamu antong mangido panogu-noguon tu Au! Hara ni Au, Debata na mangolu, nada ra Au anggo hamu do mangido panogu-noguon sian Au! Au Tuhan Debata madung mandok songon i.’

JESAYA 66:1

Songon on do pandok ni Tuhan, “Langit do habangsangKu, jana portibi sidegean ni patKu. Jadi bagas na tarbia ma he na giot bangunonMu di Au, jana inganan na tarbia ma he na giot baenonmu parmiananKu?

HALUMBAAN 21:22

Nada huida Bagas Na Badia di bagasan kota i, angke Tuhan Debata Parkuaso Na Sumurung i sandiri do Bagas Na Badia, songon i muse Anak Ni Biri-biri i.