JOHANNES 4:15 - BIBEL JAMITA NA DENGGAN

¹⁵ Didok anak boru i ma, “Lehen ma di au aek i, anso ulang sai manguas be au, jana anso ulang mulak-ulak au tuson muhat.”

JOHANNES 4:15 Referans Kwoze

JOHANNES 6:34

Dung i ninna halahi ma, “Ale Tuhan, lehen ma di hami tontong sipanganon na songon i.”

SURAT NI SI PAULUS TU PARLAGUTAN ROM 8:5

Anggo halak na mangolu marguru tu bako ni hajolmaonna, sai na tumbuk tu hagiot ni bako ni jolma do dipasari-sari i. Tapi anggo halak na mangolu mangihutkon Tondi Ni Debata, sai jop ni roha ni Tondi i do dipasari-sari halahi.

SURAT NI SI PAULUS TU PARLAGUTAN ROM 6:23

Angke hamatean do upa ni dosa; tapi silehen-lehen ni Debata i ma ngolu na manongtong di bagasan Kristus Jesus, Tuhanta i.

JOHANNES 6:26

Dialusi Jesus ma, “Satutuna do na Hudok tu hamu: Nada hara ni na dung diastui hamu angka hahomangan na Hubaen i umbaen na nijalahanmunu Au, tapi hara ni na dung butongan do hamu mangan roti i.

MASMUR 4:6

Miduk do halak na mandok, “O Tuhan, pasupasu ma hami, sai lomo ma rohaMu mida hami.”

1 JOHANNES 5:20

Taboto do na dung ro Anak Ni Debata tu portibi on. Madung dilehen Ia tu hita pangastuion, anso tatanda Debata na sintong i; jana na maringanan do hita di bagasan Na Sintong i, i ma di bagasan AnakNia Jesus Kristus. On do Debata na sintong, jana on do ngolu na manongtong.

JAKOBUS 4:3

Tarsung pe dipangido hamu, hape laing nada dapotan hamu, angke madung sala tujuan ni pangidoanmunu i; na laho pasonang-sonangkon dirimunu sajo do na nipangidomunu i.

1 KORINTUS 2:14

Halak na so maruli Tondi Ni Debata, nada tarjagitsa di bagasan rohana sanga aha na nipatorang ni Tondi i. Harana songon haotoan do angka na songon i di halahi. Nada haastuan halahi angka pangalaho na songon i, angke angkon sian partondion do i tarastui.

JOHANNES 4:16

“Kehe ma ho jolo mamiohon halaklahimu, dung i ro ma ho mangulahi tuson,” ninna Jesus.

JOHANNES 6:35

Jadi didok Jesus ma tu halahi, “Au do roti na mangalehen hangoluan; sanga ise na ro tu Au nada malean be ia, jana sanga ise na porsaya tu Au nada manguas be ia.