JOHANNES 3:9 - BIBEL JAMITA NA DENGGAN

⁹ “Tarbia ma parjadi ni i?” ning si Nikodemus manyapai.

JOHANNES 3:9 Referans Kwoze

JOHANNES 6:60

Bahat do angka sisean ni Jesus umbege angka hata na nidok ni Jesus i. Didok halahi ma, “Ma kasartu do pangajaran on. Ise ma he na tahan manangihonsa?”

JOHANNES 6:52

Gabe martongkari ma halak Jahudi sama halahi hara ni hata ni Jesus nangkinan i. “Bia do pangalehen ni Bayo on di pamatangNia i tu hita gabe sipanganon?” ninna halahi.

LUKAS 1:34

“Bia ma tarjadi ni i, salangkan au bujing-bujing dope?” ning si Maria tu surusuruan i.

JESAYA 42:16

Giot toguonKu na mapitung i mamolus dalan na so ditanda halahi Humani. Hagolapan Hubaen gabe na torang di halahi, dalan na margaba-gobi Hubaen mangornop. I ma janjingKu tu halahi jana patulusonKu ma sudena i.

JOHANNES 3:4

Didok si Nikodemus ma tu Jesus, “Bia ma he parjadina halak na dung magodang sorang mangulahi? Tarbaen dope lakna masuk mangulahi tu bortian ni inangna anso ditubuhon mangulahi?”

PODA 4:18

Songon parbincar ni mataniari do anggo dalan na nibolus ni halak na denggan; mur lolot mur torang, jana ujungna ari pe gabe torang sajo.

JOHANNES 3:8

Na mangombus do alogo sanga na tudia giotnia; tabege do nian husasakna, tapi nada taboto sanga sian dia harorona jana tu dia kehena. Songon i muse ma halak na nitubuhon ni Tondi i.”

JOHANNES 3:10

Dialusi Jesus ma, “Guru ni halak Israel ma ho, hape hum i pe so diboto ho?