JOHANNES 3:6 - BIBEL JAMITA NA DENGGAN

⁶ Dibaen sibuk do na tubu sian sibuk, jana tondi do na tubu sian Tondi.

JOHANNES 3:6 Referans Kwoze

2 KORINTUS 5:17

Sanga ise na dung marsada dohot Kristus, madung gabe na nitompa na imbaru. Madung salpu na honok i – madung gabe imbaru sasudena.

1 JOHANNES 3:9

Ganop halak na sorang sian Debata, nada mangkarejohon dosa be, harana madung adong do disia bako ni Debata jana nada be mangkarejohon dosa, harana na sorang sian Debata do ia.

1 KORINTUS 6:17

Tapi anggo halak na pasada dirina dohot Tuhan, gabe sada ma Tondi Ni Tuhan i dohot tondi ni halakna i.

SURAT NI SI PAULUS TU PARLAGUTAN ROM 7:18

Huboto do nian, na so adong sanga aha pe na denggan di bagasan diringku; i ma di bagasan bako na adong di au songon jolma na somal. Adong do nian hagiot ni roha di au, tapi nada mambaen na denggan.

PAMUNGKAAN 6:12

Ditatap Debata ma sude tano on jana diida Ia do hajahatanna dibaen madung sude ngolu ni jolma i jahat.

MASMUR 51:10

Tompa ma roha na polin di au, ale Debata, paimbaru ma rohangku di bagasan dohot tondi na marsihohot.

JOB 25:4

Tarbaen ma he jolma, denggan di jolo ni Debata? Tarbaen ma halahi pita di parnidaanNia?

JOB 14:4

Tarbaen ma he jolma pardosa parohon na sanggam soada hurangna?

SURAT NI SI PAULUS TU PARLAGUTAN ROM 8:13

Harana, muda mangihutkon bako ni jolma do hamu mangolu, ujungna angkon mate ma hamu; tapi anggo mardongan kuaso ni Tondi Parbadia do, matehononmunu ma torus angka pangalahomunu na mardosa i, gabe mangolu ma hamu.

EPESUS 2:3

Anggo najolo sarupa hian do hita sudena dohot halahi; mangolu do hita paolo-oloi bako ni hajolmaonta harana sanga aha na pasonangkon pamatangta dohot pikiranta na jahat i, i do na tabaen. Anggo hatiha i, hita pe halak na hona rimas ni Debata muse do, laing songon halak na asing i.

KOLOSSE 2:11

Di na mardomu dohot Kristus, madung disunat hamu. Nada dohot sunat na nibaen ni jolma, tapi dohot sunat na nibaen ni Kristus do; i ma markite-hite na paluahon hamu sian bako ni jolma na adong hian di hamu.

GALATIA 5:24

Angka halak na dung gabe nampuna ni Kristus Jesus, madung dimatehon halahi do bakona humani na jat i.

JOHANNES 1:13

i ma angka na so tubu sian mudar, sanga sian roha sibuk, sanga sian hagiot ni halaklahi, tapi na ditubuhon ni Debata.

SURAT NI SI PAULUS TU PARLAGUTAN ROM 7:5

Angke taran mangolu di bagasan bako ni jolma dope hita, margogo do hagiot ni dosa na ro markite-hite Tona i, na markarejo di bagasan goar-goaran ni pamatangta i, mamparbatuhon hamatean.

PAMUNGKAAN 6:5

Di na nipamanat ni Tuhan, hape na sun do jahat ni jolma i sude di tano on, boti santak ni busuk ni angka pikiran ni halahi,

PAMUNGKAAN 5:3

Dung marumur si Adam 130 taon, maruli anak halaklahi ma ia na suman tusia, gabe digoari ia ma i si Set.

SURAT NI SI PAULUS TU PARLAGUTAN ROM 7:25

Tarimakasi ma di Debata, markite-hite Jesus Kristus Tuhanta i! Jadi na mangoloi Tona Ni Debata do au mangihutkon rohangku, tapi na mangoloi tona ni dosa do au mangihutkon bako ni hajolmaon.

JOHANNES 3:7

Ulang homang rohamu muda Hudok: Angkon ditubuhon hamu sude mangulahi.