JOHANNES 3:3 - BIBEL JAMITA NA DENGGAN

³ Dialusi Jesus ma, “Tutu do na Hudok on: Nada tarbaen sanga ise pe gabe anggota ni Harajaan Ni Debata, anggo so jolo sorang ia mangulahi.”

JOHANNES 3:3 Referans Kwoze

2 KORINTUS 5:17

Sanga ise na dung marsada dohot Kristus, madung gabe na nitompa na imbaru. Madung salpu na honok i – madung gabe imbaru sasudena.

1 JOHANNES 3:9

Ganop halak na sorang sian Debata, nada mangkarejohon dosa be, harana madung adong do disia bako ni Debata jana nada be mangkarejohon dosa, harana na sorang sian Debata do ia.

1 JOHANNES 5:1

Barang ise na porsaya bahaso Jesus do Kristus i, i do na sorang sian Debata, bope barang ise na mangkaholongi Ia na manyorangkon, dihaholongi ia muse do na sorang sian Ia.

TITUS 3:5

Dipalua Ia do hita, nada hara ni na tabaen sanga aha na denggan, tapi hara ni ibo ni rohaNia sandiri do tu hita. Dipalua Ia do hita markite-hite Tondi Parbadia na mangalehen hasosorang na imbaru dohot ngolu na imbaru marhite na paiaskon hita.

JOHANNES 1:13

i ma angka na so tubu sian mudar, sanga sian roha sibuk, sanga sian hagiot ni halaklahi, tapi na ditubuhon ni Debata.

1 JOHANNES 2:29

Muda diboto hamu, na tigor do Ia, tangkas muse ma di hamu, barang ise na mambaen hatigoran, i do na tubu sian Ia.

1 PETRUS 1:3

Mandok tarimakasi ma hita tu Debata bope Ama ni Tuhanta Jesus Kristus! Hara ni denggan ni rohaNia, dibaen Ia do hita gabe jolma na imbaru na maruli arop ni roha na tongtong mangolu, angke madung dipangolu Kristus mangulahi sian hamatean.

GALATIA 6:15

Disunat sanga na so disunat, inda adong arti ni i, tapi halak na nitompa gabe imbaru, i sajo do na mararti.

1 JOHANNES 5:18

Taboto do anggo halak na dung gabe dakdanak ni Debata, nada pola sai marpupu halahi mambaen dosa, angke dijagohon Anak Ni Debata do ia jana nada tarkahua si Parjahat i ia.

2 KORINTUS 4:4

Na nigupgupan ni Debata na mangarajai portibi on do roha ni halahi na so porsaya i. I do na manyundati halahi anso ulang dohot halahi marnida sinondang na sian Jamita Na Denggan i, i ma taringot tu hasangapan ni Kristus i na gabe songon gambaran ni Debata.

JOHANNES 12:40

“Hupapitung do mata ni halahi, jana Hupagolap pikiran ni halahi; lopus nada marnida mata ni halahi, jana nada marbuka pikiran ni halahi. Anso ulang mulak halahi tu Au, gabe Hupamalum halahi muse.”

EPESUS 2:1

Na mate do hamu najolo hara ni na nilaosimunu angka parenta ni Debata jana mardosai hamu.

JEREMIA 5:21

“Hamu halak na bodo dohot na so marpikiran tangihon hamu! Adong do matamunu tapi nada marnida, marpinggol do nian tapi nada marbinege!

JOHANNES 1:5

Marsinondang do na torang i di hagolapan, jana nada tarintopi hagolapan i na torang i.

PANGARATAION 29:4

Tapi lopus tu sadari on laing nada podo dilehen Ia pangastuion di hamu taringot tu sude na nialamanmunu i.

JAKOBUS 3:17

Tapi sanga ise na maruli habisuhon na ro sian ginjang, na parjolo: Na ias do i, dung i pardame, na burju dohot na ra mangoloi. Gok do i dohot ibo ni roha bope na pataridahon angka parange na denggan. Nada ganggu rohana jana nada mangalancap.

JOHANNES 1:51

Dung i ninna Jesus ma tusia, “Tutu situtu do na Hudok on tu ho, idaonmu ma mungkap langit, jana manaek mijur ma angka surusuruan ni Debata tu Anak Ni Jolma i.”

MATEUS 16:17

“Na martua do ho ale Simon anak ni si Junus!” ninna Jesus, “Harana nada jolma be na paboahon pangalaho i tu ho, tapi Damang na di banua ginjang i do.

MATEUS 5:18

Ingot ma! Salolot adong langit dohot tano on, satitik sanga sahurup na menek pe nada tola nisesa sian Tona i, lopus tulus sudena i!

HALUMBAAN 3:14

“Tu surusuruan ni parlagutan na di Laodikea songon on ma surat on! On ma barita sian si Amen, Saksi na setia jana na bonar i, mula ni sude na nitompa ni Debata.

JEHESKIEL 36:26

Jadi Hulehen ma roha na imbaru dohot pikiran na imbaru gontionKu ma rohamunu na pir songon batu, jana lehenon roha pangoloion.

MATEUS 19:24

Jana Hupaboa muse dope on di hamu; ummuraan dope unto mamolus sian lubang ni jait, ulang pado halak na kayo laho masuk tu Harajaan Ni Debata.”

MATEUS 21:31

Antong, ise do sian anaknia na dua i na mangoloi na nidok ni amangna?” “Siangkaan i ma antong,” ning halahi. Gabe didok Jesus ma tu halahi, “Satutuna Hudok ma tu hamu: Jumolo do angka sijagit pajak dohot angka anak boru siparkarosuan gabe anggota ni Harajaan Ni Debata ulang pado hamu.

MARKUS 9:47

Muda hara ni matamu do gabe mardosa ho, pulsikkon ma mata i! Gumonan ma ho masuk tu Harajaan Ni Debata marmata sada sajo, ulang pado diambungkon ho marmata dua tu narako.

MARKUS 10:14

Jadi marnida i muruk ma Jesus didok Ia ma tu angka anak siseanNia i, “Padiar hamu ma marroan angka dakdanak i tu Au! Ulang rarang hamu halahi. Angka halak sisongon i do na gabe nampuna Harajaan Ni Debata.

JOHANNES 3:4

Didok si Nikodemus ma tu Jesus, “Bia ma he parjadina halak na dung magodang sorang mangulahi? Tarbaen dope lakna masuk mangulahi tu bortian ni inangna anso ditubuhon mangulahi?”

1 JOHANNES 5:4

angke sanga ise na sorang sian Debata tartaluhonsa do portibi na jahat on. Jana haporsayaanta i do hamonangan na manaluhon portibi on.