JOHANNES 21:22 - BIBEL JAMITA NA DENGGAN

²² Ninna Jesus ma mangalusi, “Muda jop rohangKu laing mangolu ia lopus ro Au mangulahi, ahana ma i di ho. Salaku ihutkon ma Au!” ninna Jesus.

JOHANNES 21:22 Referans Kwoze

MARKUS 9:1

“Satutuna do na Hudok on tu hamu,” ninna Jesus, “Adong do sanga na piga halak na dison on na so jabat mate, anggo so jolo diida halahi Harajaan Ni Debata di bagasan kuaso!”

HALUMBAAN 2:25

Tapi tiop hamu ma na adong di hamu lopus ro Au.

1 KORINTUS 4:5

Antong, anggo so dapot dope hatihana, ulang ma matibutu tontuhon hamu marsala sada-sada halak sanga nada. Painte hamu ma lopus tu haroro ni Tuhan i. BukaonNia do sude angka rahasia na buni di na golap. RungkaranNia ma sudena rahasia na buni na di bagasan roha ni jolma. Di hatiha i pe anso jagiton ni halak ganop pujian na patut jagitonna sian Debata.

HALUMBAAN 3:11

Ligi ma! Tibu do Au ro! Tiop ma na adong di ho, anso ulang adong na mambuat tukumi.

JAKOBUS 5:7

Antong sobar ma hamu angka dongan lopus ro Tuhanta i. Ligi hamu ma sobar ni angka partani i paintehon lopus dilehen tanonia i suha na mararga disia. Sobar do ia paintehon udan di musim gugur dohot udan di musim bunga.

1 KORINTUS 11:26

Angke sanga na piga noli dipangan hamu roti on jana diinum hamu anggur on, jamitahononmunu ma hamamate ni Tuhan i lopus ro Ia.

JOHANNES 21:19

Jadi na paboahon sanga na tarbia do parmate ni si Petrus saulahon laho pasangap Debata, i do na nidok ni Jesus disi.) Dung i didok Jesus ma tu si Petrus, “Ihutkon ma Au!” ning Ia.

MATEUS 24:44

Hara ni i, angkon tongtong do hamu hobas. Angke ro ma Anak Ni Jolma i, di hatiha na so pamotoanmunu do Ia ro.”

HALUMBAAN 22:20

Didok na manyaksihon sudena on do, “Olo, tibu ma Au ro!” Amen! Ro ma Ho, ale Tuhan Jesus!

HALUMBAAN 22:7

“Ligi ma! Tibu do au ro! Martua ma sanga ise halak na marmomos angka sipaingot sian hasurirangon na di bagasan buku on!”

HALUMBAAN 1:7

Ligi da, na ro ma Ia dihaliangi ombun! Idaon ni sude halak ma Ia, dohot halahi na maniham Ia. Mangangguhi ma sasudena bangso na di tano on manangisi dirina be hara ni Ia. Olo, tutu do na songon i! Amen!

MATEUS 25:31

“Muda ro Anak Ni Jolma i gabe Raja mardongan angka surusuruanNia, juguk ma Ia di habangsa ni hamuliaonNa.

MATEUS 24:27

Angke songon sondang ni hilap na sumiksak sian Habincaran marsinondang lalu tu Hasundutan, songon i ma parro ni Anak Ni Jolma i sogot.”

MATEUS 24:3

Dung i kehe ma Jesus juguk di Dolok Zetun. Jadi hatiha na juguk i Ia, marroan ma angka anak siseanNia laho mangkatai dohot Ia sajo. “Paboa ma jolo tu hami sanga andigan do tarjadi sudena i,” ninna halahi manyapai Ia. “Dung i muse, aha ma tandana paboa na giot dapot ma haroroMu dohot hasidungan ni portibi on?”

MATEUS 8:22

Tapi dialusi Jesus ma, “Ihutkon ma Au, jana padiar ma halak na mate manguburkon na matena sandiri,” ning Ia.

MATEUS 16:24

Dung i didok Jesus ma tu anak siseanNia i, “Muda adong halak na giot mangihutkon Au, angkon dihalupahon ia do dirina sandiri, dung i diporsan ia ma silangna dung i pe anso diihutkon Au.

JOHANNES 21:21

Dung diida si Petrus ia, didok ia ma tu Jesus, “Bia ma halak on saulahon Tuhan?” ning ia.

1 TESSALONIKA 2:19

Ise dope lakna arop ni rohanami bagi hajojop ni rohanami dohot tuku hasangapannami di adopan ni Jesus Tuhanta i, hatiha haroroNia? Nada he hamu do i?

JAKOBUS 5:8

Hamu pe angkon laing sobar do jana margodang ni roha, harana madung donok ari haroro ni Tuhan i.