JOHANNES 21:15 - BIBEL JAMITA NA DENGGAN

¹⁵ Dung mangan halahi, didok Jesus ma tu si Simon Petrus, “O Simon, anak ni si Jona, humolong dehe rohamu mida Au, ulang halahon?” ning Ia. Dialusi si Petrus ma, “Olo Tuhan. Diboto Ho do Tuhan holong ni rohangku tu Ho.” Didok Jesus ma tusia, “Antong parmahani ma angka biri-biringKu.”

JOHANNES 21:15 Referans Kwoze

SURAT NI SI PAULUS TU PARLAGUTAN ROM 15:1

Anggo hita na margogo, angkon manaon hagaleon ni angka na so margogo do. Ulang ma tajalahi hasonangan ni dirinta sandiri.

1 JOHANNES 4:19

Marholong ni roha pe hita, hara ni na dung parjolo do Debata mangkaholongi hita.

JESAYA 40:11

Songon parmahan, disarihon Ia do na niparmahanNia, jana dipalagut Ia angka anak ni biri-biriNia; diabing Ia do halahi di tanganNia, lambok do ditogu Ia induk ni biri-biriNia.

1 PETRUS 1:8

Dihaholongi hamu do Ia haru pe nada jungada diida hamu Ia najolo. Jana dihaporsayai hamu do Ia haru pe saonnari nada diida hamu Ia. Dipapuji-puji hamu do Debata mardongan jop ni roha godang na so tarpajojor dohot hata.

EPESUS 6:24

Sai dipasupasu Debata ma hamu angka dongan sudena na mangkaholongi Tuhanta Jesus Kristus mardongan holong ni roha na so muba-uba.

BAENON NI ANGKA RASUL 20:28

Antong jagohon hamu ma dirimunu dohot sude habanan i, harana madung dipabangkit Tondi Parbadia hamu gabe parmahan. Parmahani hamu ma parlagutan ni Tuhan i, na nibaen gabe nampunaNia markite-hite mudarNia sandiri.

1 JOHANNES 5:1

Barang ise na porsaya bahaso Jesus do Kristus i, i do na sorang sian Debata, bope barang ise na mangkaholongi Ia na manyorangkon, dihaholongi ia muse do na sorang sian Ia.

JOHANNES 16:27

harana Ama i sandiri pe holong do rohaNia tu hamu. Holong do rohaNia mida hamu, dibaen holong rohamunu tu Au, jana dihaporsayai hamu na sian Debata do Au ro.

JEREMIA 3:15

LehenonKu ma di hamu angka pamimpin na burju mangoloi Au. Pimpinon ni halahi ma hamu mardongan habisuhon bope marhite parbinotoan.

JEHESKIEL 34:23

AngkatonKu ma parmahan laho marmahani halahi, i ma naposongKu si Daud, jana parmahanonnia ma halahi.

1 PETRUS 2:25

Najolo, songon biri-biri na lilu do hamu hape anggo saonnari madung dioban hamu mangulahi mangihutkon Kristus, Parmahan jana na marmahani hamu.

IBRANI 4:13

Umpe sada sian na nitompa i na buni, na so niida ni Debata. Talak do sudena jana patar di joloNia. Jana angkon lehenonta do tuSia partanggungjawabanta.

LUKAS 22:32

Tapi madung martangiang Au hara ni ho Simon, anso ulang hambar haporsayaanmi. Jana muda dung mulak ho mangulahi tu Au, angkon patoguonmu do angka kahanggimu.”

IBRANI 13:20

Madung dipangolu Debata Tuhanta Jesus sian hamatean. Hara ni hamamateNia i, gabe Parmahan Bolon ma Ia saonnari di hita na gabe songon biri-biriNia. Laing songon jaminan muse do hamamateNia i taringot tu janji na so ra muba na sian Debata.

SURAT NI SI PAULUS TU PARLAGUTAN ROM 14:1

Jagit hamu ma halak na gale dope haporsayaanna, ulang ma uhumi hamu pandapot ni halahi.

MATEUS 16:17

“Na martua do ho ale Simon anak ni si Junus!” ninna Jesus, “Harana nada jolma be na paboahon pangalaho i tu ho, tapi Damang na di banua ginjang i do.

JEREMIA 23:4

AngkatonKu ma pamimpin na manyarihon halahi. Nada mabiar be bangsongKi sanga tarsonggot; sahalak pe nada tola mago sian halahi. Au Tuhan, madung mandok songon i.”

HALUMBAAN 2:23

Angka halak na mangihutkon ia pe angkon Hubunu do anso laing torang diboto angka parlagutan i paboa na Au do na tuk mandodo pikiran dohot roha ni jolma. BaloskononKu ma tu hamu marguru tu pambaenanmunu be.

1 PETRUS 2:2

Songon dakdanak na baru sorang na sai manguas di susu na polin, laing songon i ma hamu manguas tongtong di susu na polin sian Hata Ni Debata; anso mur magodang hamu jana dipalua.

GALATIA 5:6

Angke muda dung marsada hita dohot Kristus Jesus, nada pola parsoalan be na mangihutkon paraturan ni sunat sanga na so mangihutkon aturan i. Manghaporsayai Kristus sajo noma na porlu, jana tarida ma i di bagasan holong ni rohanta maradopkon halak na asing.

JOHANNES 21:12

Dung i didok Jesus ma tu halahi, “Mangan ma hita jolo!” Tapi nada adong sian angka siseanNia i na puluk manyapai, mandok, “Ise do hamu Amang?” Harana sude do halahi mamboto, Tuhan i do i.

JOHANNES 21:7

Didok sisean haholongan ni Jesus i ma tu si Petrus, “Tuhan i do i!” ning ia. Jadi dung dibege si Petrus didok bayo i, “Tuhan i do i,” manigor dipake ia ma abitnia mangulahi (harana madung sanga buka baju ia) mangambur ma ia tu aek i.

MATEUS 18:10

“Ingot hamu ma, ulang dipalayas hamu sahalak sian angka na menek on. Harana Hudok ma tu hamu: Adong do surusuruan ni halahi di banua ginjang na sai mangaligi bohi ni Damang na di banua ginjang.” [

EPESUS 4:14

Jadi nada be dakdanak hita na so marhatontuan jana na taroban-oban tu jae tu julu baenon ni angka pangajaran na marragam rupa na sian halak na bisuk. Lilu do halak dibaen halahi hara ni malo-malo ni halahi.

1 KORINTUS 8:11

Jadi hara ni i gabe mago ma pos ni roha ni dongan na hurang togu i hara ni pos ni rohamunu. Hape nian dohot do hara ni halahi mate Kristus.

JOHANNES 8:42

Dung i didok Jesus ma tu halahi, “Sugari na tutu Debata Amangmunu, angkon holong do rohamunu tu Au, harana, tutu do Au na ro sian Debata. Nada sian roha-rohangKu umbaen na ro Au. Na nisuruNia do Au.

MARKUS 14:29

“Nada!” ning si Petrus, “Haru sude pe halahi maninggalkon Ho anggo au bagi na bia pe inda.”

LUKAS 12:32

“Ulang hamu mabiar, haru pe hum saotik sajo bilanganmunu! Angke jop do roha ni Amangmunu mangalehen HarajaanNia i tu hamu.

PAMUNGKAAN 33:13

Dialusi si Jakob ma, “Diboto ho do da, na gale-gale dope angka dakdanak on, boti angkon laing mataanku do angka pahan-pahanan na manyusu dope. Muda niompot mangayak-ayak anso hipas, hum sadari pe marmatean ma lalu sudena.

MATEUS 10:37

Halak na humolongan rohana mida amangna sanga inangna ulang mida Au, nada tumbuk halak sisongon i di Au. Songon i muse halak na humolongan rohana mida anakna sanga boruna ulang mida Au, nada tumbuk halak sisongon i gabe siihutkon Au.

2 RAJA-RAJA 20:3

“Tuhan, ingot ma na dung huoloi Ho sian burju dohot situtu ni rohangku. Sai hugogo do anso hupatulus hagiotMu.” Lalu mangangguk ma si Hiskia.

2 SAMUEL 7:20

Aha dope na tardokkon au tu Ho? Madung diboto Ho sinasoada ni naposoMon.

JOHANNES 13:37

Didok si Petrus ma tuSia, “Biasi nada tarihutkon au Ho saonnari Tuhan? Ra do au mate humopkop Ho Tuhan!”

JOHANNES 1:42

Dung i ditaruhon si Andreas ma si Simon tu Jesus. Dipamanat Jesus ma si Simon, ning Ia ma, “Si Simon do ho, anak ni si Jona. Si Kepas noma goarmu.” (Kepas disaro Ibrani dos dohot Petrus disaro Junani astuanna: dolok batu.)

MATEUS 26:35

Dialusi si Petrus ma, “Sugari pe angkon tarpaksa mate au rap dohot Ho Tuhan, nada na dohononku na so hutanda Ho Tuhan!” Songon i ma dipandok sude anak sisean na asing i.

MATEUS 26:33

Didok si Petrus ma tu Jesus, “Haru sude pe halahi maninggalkon Ho Tuhan, anggo au bagi na bia pe nada hutinggalkon Ho!”

BAENON NI ANGKA RASUL 20:29

Angke disi kehe au, marroan ma angka sorigala panyoro tu tonga-tongamunu. Jana halak na nijagoanmunu i, i ma na giot soroon ni angka sorigala i.

JEHESKIEL 46:24

Didok bayo i ma tu au, “Angka on ma dapur inganan ni angka pangoloi ni Bagas Na Badia, angkon dison ma lompaon ni halahi angka haul sihaulkonon ni rayat i.”