JOHANNES 21:12 - BIBEL JAMITA NA DENGGAN

¹² Dung i didok Jesus ma tu halahi, “Mangan ma hita jolo!” Tapi nada adong sian angka siseanNia i na puluk manyapai, mandok, “Ise do hamu Amang?” Harana sude do halahi mamboto, Tuhan i do i.

JOHANNES 21:12 Referans Kwoze

BAENON NI ANGKA RASUL 10:41

nada tu na sabangso on, tapi hum tu hami do, i ma na dung jolo dipili Debata hian gabe saksiNia: Mangan minum do hami rap dohot Ia dung mulak mangolu Ia sian hamatean.

JOHANNES 16:19

Mangarti do Jesus na giot manyapai halahi tuSia. Jadi ning Ia ma tu halahi, “Hara ni na Hudok i, ‘Hum santongkin nari noma nada idaonmunu be Au, tapi santongkin nari muse idaonmunu ma Au.’ I dehe na giot sapaanmunu?

JOHANNES 21:15

Dung mangan halahi, didok Jesus ma tu si Simon Petrus, “O Simon, anak ni si Jona, humolong dehe rohamu mida Au, ulang halahon?” ning Ia. Dialusi si Petrus ma, “Olo Tuhan. Diboto Ho do Tuhan holong ni rohangku tu Ho.” Didok Jesus ma tusia, “Antong parmahani ma angka biri-biringKu.”

MARKUS 9:32

Nada diastui angka sisean ni Jesus i na niajarkonNia i, tapi mabiar halahi marsapa tuSia.

JOHANNES 4:27

Disi ma ro angka sisean ni Jesus mangulahi. Homang ma roha ni halahi mida Jesus mangkobari dohot sada anak boru. Tapi umpe sahalak sian halahi na marsapa, “Aha do na nihagiotiMu? Sanga: Aha do na nihataanMu dohot ia?”

LUKAS 9:45

Nada diastui halahi i sanga aha maksud ni Jesus. Nian na dirahasiahon do tu halahi taringot tusi umbaen na so diastui halahi maksudna. Tapi halahi pe mabiar laho manyapaisa tu Jesus.

MATEUS 22:46

Umpe sahalak na bisa mangalusi Jesus. Mamungka sian na sadari i, nada adong be na puluk manyapai sanga aha tuSia.

JOHANNES 21:11

Kehe ma si Simon Petrus tu parau i, manyarat jalannia tu darat. Gok jala i dohot ihan na godang-godang; saratus lima pulu tolu sudena. Haru pe songon i bahat ni ihan i, nada pola jabat masibak jala i.