JOHANNES 20:9 - BIBEL JAMITA NA DENGGAN

⁹ Lopus tu hatiha i laing na so diastui halahi dope na tarsurat di Buku Na Badia i, na angkon mulak mangolu Ia mangulahi sian hamatean.)

JOHANNES 20:9 Referans Kwoze

MASMUR 16:10

angke nada dipadiar Ho au mate, halak na nihaholonganMu nada dilehen Ho tu hamatean.

JESAYA 25:8

AbiskononNia ma hamatean ro di salolot-lolotna! Apusan ni Tuhan Debata ma ilu-ilu sian ganop mata, jana padaoonNa habilean na nitanggung ni halakNia di sude portibi on. Madung didok Tuhan i songon i, angkon tulus do i tarjadi.

JESAYA 26:19

Ale Tuhan bangsoMu na mate i mangolu ma mangulahi, angka bangke ni halahi ngot sanoli nari. Halak na dung ditanom di bagasan tano, ngot ma i jana marolop-olop. PangoluonMu ma bangsoMu na dung mate honok, songon ombun na pajagarkon tano.”

1 KORINTUS 15:4

Madung ditanom Ia, jana mangulahi Ia dipangolu di ari patoluhon. I pe na dung tarsurat hian do i di Buku Na Badia i.

LUKAS 24:26

Na he angkon taonon ni Kristus i do sudena parkancitan i, laho masuk tu hamuliaanNia i?”

MATEUS 22:29

Dialusi Jesus ma, “Lilu do hamu! I ma tandana na so diboto hamu Buku Na Badia i. Kuaso ni Debata pe inda diboto hamu.

HOSEA 13:14

Giot paluaonKu dehe bangso on sian kuaso ni inganan ni jolma na mate? Jo hamatean, sarsarkon ma balamu! Padalan ma karejomu na manyegohon i! Nada be ibo rohangKu mida bangso on.

JOHANNES 2:22

Jadi dung mulak mangolu Jesus mangulahi sian na mate, tarsingot ma angka siseanNia i na dung unjung didok Ia songon i. Gabe porsaya ma halahi tu na tarsurat di Buku Na Badia i dohot tu pandohan na nidok ni Jesus.

LUKAS 9:45

Nada diastui halahi i sanga aha maksud ni Jesus. Nian na dirahasiahon do tu halahi taringot tusi umbaen na so diastui halahi maksudna. Tapi halahi pe mabiar laho manyapaisa tu Jesus.

MASMUR 22:15

Aru-arungku mahiang songon ngarngar, dilaniba lohot di langit-langit ni pamangan. Anggo au madung ditinggalkon Tuhan, songon halak na mate di kuburan.

BAENON NI ANGKA RASUL 2:24

Tapi dipabangkit Debata do Ia jana dipalua sian bernit ni hamatean, angke nada tarbaen hamatean i torus maniop Ia.

BAENON NI ANGKA RASUL 17:3

Dipatorang ia ma tu halahi jana dipatangkas ia markite-hite ayat ni Buku Na Badia i bahaso na porlu do manaon parkancitan Kristus na nijanjihon ni Debata i jana mulak mangolu sian hamatean. “Jesus na hupaboa i tu hamu, i ma da ibana Kristus i,” ning si Paulus.