JOHANNES 20:25 - BIBEL JAMITA NA DENGGAN

²⁵ Jadi dipaboa angka sisean ni Jesus na asing i ma tu si Tomas, ninna halahi ma, “Madung hami ida Tuhan i!” Tapi dialusi si Tomas ma, “Anggo so jolo huida pamakuan na di tanganNa i jana hudaiskon jari-jaringkon tu pamakuan i, jana anggo so jolo hubaen tangankon tu rusukNa i, nada porsaya dope au.”

JOHANNES 20:25 Referans Kwoze

JOHANNES 6:30

Didok halahi ma, “Antong anggo songon i, adong dehe tanda hahomangan sibaenonmi Guru siidaonna ni anso porsaya hami tu Ama i? Patidahon ma sanga aha do na tarbaen Ho!

MARKUS 16:11

Tapi dung dibege halahi carito ni si Maria na mangolu do Jesus jana si Maria sandiri madung marnida Jesus, inda porsaya halahi.

IBRANI 3:18

Ise dehe na nidok ni Debata di na nisumpahonNia, “Na so tola halahi masuk tu inganan paradianan na giot lehenonKu di halahi?” Nada he laing angka halak na mangalo i do tu Debata?

IBRANI 3:12

Hamu angka dongan, manat ma hamu anso ulang jabat adong sian hamu sahalak pe na songon i jahatna jana na so porsaya tu Jesus, gabe marbalik mangkudukkon Debata na mangolu i!

JOHANNES 21:7

Didok sisean haholongan ni Jesus i ma tu si Petrus, “Tuhan i do i!” ning ia. Jadi dung dibege si Petrus didok bayo i, “Tuhan i do i,” manigor dipake ia ma abitnia mangulahi (harana madung sanga buka baju ia) mangambur ma ia tu aek i.

JOHANNES 1:41

Manigor diompoti si Andreas ma manjalahi si Simon angkangna i jana didok ia ma tu si Simon, “Madung marsuo hami dohot Mesias i!” (Mesias astuanna Kristus.)

LUKAS 24:25

Dung i mandok hata ma Jesus tu halahi ning Ia, “Otona i hamu! Na maol ma hamu manghaporsayai na nidok ni angka panurirang i!

MATEUS 27:42

“Halak na asing dipaluasa hape Ia sandiri so tarpaluasa! Raja Ni Israel ma Ia ning Ia, anggo mijur ma Ia saonnari sian silang i. Anso porsaya hami diSia.

MASMUR 78:32

Haru pe songon i, laing mardosai do bangsoNa angka hahomangan na nibaenNia i, nada mambaen halahi pauba rohana jana porsaya.

JOB 9:16

Sugari mangalusi Ia muda pio-pio iba, ganggu do au, tutu do Ia ulaning ro mangalusi iba?

MASMUR 22:16

Dihobuk punguan ni halak na jahat do au, tudos tu anjing na marudur halahi mangarongomi au, manyuak-nyuak tangan dohot patku.

MARKUS 16:13

Jadi mulak ma halahi laho paboahon i tu angka na asing i. Tapi halahi pe laing inda ra porsaya.

MARKUS 16:14

Ujungna dipataridahon Jesus ma diriNia tu angka siseanNia na sabolas halak i, hatiha mangan halahi. Digorahon Ia ma halahi hara ni na so pos i roha ni halahi dohot hara ni na so ra i halahi porsaya di na nidok ni angka na dung tangkas midaan, na tutu do Jesus mangolu.

JOHANNES 20:27

Dung i didok Jesus ma tu si Tomas, “Baen tuson jari-jarimi, ligi ma tanganKon. Surduhon ma tanganmi tu rusukKon. Ulang be ganggu rohamu. Porsaya ma ho!”