JOHANNES 20:19 - BIBEL JAMITA NA DENGGAN

¹⁹ Laing di Ari Minggu i dung borngin marlagut ma anak sisean ni Jesus di sada bagas. Digoruk halahi ma sude pintu ni bagas i; hara ni na mabiar halahi tu angka parkuaso ni halak Jahudi. Jadi tompu ma ro Jesus jongjong di tonga-tonga ni halahi, ning Ia ma, “Hasonangan ma di hamu!”

JOHANNES 20:19 Referans Kwoze

JOHANNES 20:26

Dung salapan ari, marlagut ma mangulahi angka sisean ni Jesus di bagas i, dohot ma si Tomas disi. Margoruk do sude pintu ni bagas i. Tapi ro ma Jesus jongjong di tonga-tonga ni halahi, ning Ia ma, “Hasonangan ma di hamu!”

JOHANNES 14:27

Hasonangan do Hutadingkon di hamu. Hasonangan na sian Au sandiri do na Hulehen tu hamu. Nada songon pangalehen ni portibi on anggo pangalehenKu hasonangan i tu hamu. Ulang pola susa rohamunu; ulang hamu mabiar.

JOHANNES 20:21

Dung i didok Jesus ma tu halahi sanoli nari, “Hasonangan ma di hamu! Songon parsuru ni Damang di Au, laing songon i ma hamu Husuru.”

EPESUS 2:14

Angke Kristus sandiri do na padamehon hita. Dipadomu Ia do angka halak Jahudi dohot angka halak na so Jahudi gabe sada bangso. Parbadaan na songon bolat-bolat na manyirang halahi madung disego-sego Kristus dohot hamamateNia i sandiri.

2 TESSALONIKA 3:16

Tuhan i do haroroan ni hasonanganta. Sai tongtong ma dilehen Ia hasonangan di hamu markite-hite dalan na marragam. Sai didongani Tuhan ma hamu sudena.

JOHANNES 7:13

Tapi sahalak pe nada adong na puluk sian halahi mandok hatana torus torang taringot tuSia, hara ni na mabiar mida halak Jahudi i.

MARKUS 16:14

Ujungna dipataridahon Jesus ma diriNia tu angka siseanNia na sabolas halak i, hatiha mangan halahi. Digorahon Ia ma halahi hara ni na so pos i roha ni halahi dohot hara ni na so ra i halahi porsaya di na nidok ni angka na dung tangkas midaan, na tutu do Jesus mangolu.

HALUMBAAN 1:4

Sian si Johannes tu parlagutan na pitu i, na di tano Asia. Asi ni roha ma di hamu dohot hasonangan sian Ia, na adong saonnari, na dung adong hian, jana na giot ro, dohot sian tondi na pitu i, na di jolo ni habangsaNia,

1 KORINTUS 15:5

Jadi dipataridahon Ia ma diriNa tu si Kepas, dohot tu siseanNia na dua bolas i.

JOHANNES 16:33

Hudok pe i sudena anso marhasonangan do hamu harana di bagasan Au do hamu. Marhancit ma hamu baenon ni portibi on. Tapi sobar ma hamu! Madung Hutaluhon portibi on!”

IBRANI 7:2

Dung i dilehen si Abraham ma tu si Melkisedek saparsampulu ni sude na dapotnia sian parporangan i. (Goar Melkisedek astuanna na parjolo, “Raja Na Adil”; jana hara ni raja sian Salem ia, gabe “Raja Hasonangan” ma astuan ni goarnia.)

PILIPPI 1:2

Asi ni roha ma di hamu dohot hasonangan sian Debata Amanta, dohot sian Tuhan Jesus Kristus.

EPESUS 6:23

Sai dilehen Debata Ama, dohot Tuhan Jesus Kristus ma hasonangan dohot holong mardongan haporsayaan tu sude parlagutan i.

SURAT NI SI PAULUS TU PARLAGUTAN ROM 15:33

Sai di dongani Debata pardenggan basa i ma hamu angka dongan sudena. Amen.

JOHANNES 16:22

Laing songon i ma hamu: Susa ma rohamunu saonnari, tapi marsuo dope Au dohot hamu, gabe jop ma rohamunu; jana nada tarbuat sanga ise hajopjop ni roha i sian hamu.

MATEUS 18:20

Angke sanga di dia rap marlagut dua sanga tolu halak di bagasan goarKu, disi do Au rap dohot halahi.

MATEUS 10:13

Muda dijagit halak na di bagas i do hamu, lohot ma tu halahi hata horas-horasmunu i, tapi muda nada tumbuk mulak ma tu hamu hata horas-horasmunu i.

MASMUR 122:8

Hara ni angka koum dohot ale-alengku, hudok, “Sai horas torkis ma ho!”

JOHANNES 21:1

Dung i dipatidahon Jesus ma diriNia sanoli nari tu angka siseanNia i di Dano Tiberias. Songon on ma baritana di na nipatidahonNia diriNia:

JOHANNES 21:14

On ma patolu-nolihon dipatidahon Jesus diriNia tu angka siseanNia i dung mulak mangolu Ia sian na mate.

BAENON NI ANGKA RASUL 1:3

Dung mate Ia, adong do opat pulu ari honokna sai marpupu dipatidahon Ia diriNia tangkas di angka rasul i paboa na tutu do Ia mangolu. Diida halahi do Ia tangkas jana dihatahon Ia do tu halahi taringot tu Harajaan Ni Debata.

3 JOHANNES 1:14

Didok rohangku nada pola sadia honok nari marsuo ma au dohot ho, disi ma hita na dua mangkobari.