JOHANNES 20:13 - BIBEL JAMITA NA DENGGAN

¹³ Disapai surusuruan i ma tu si Maria, “Biasi tangis ho inang?” ninna halahi. Dialusi si Maria ma, “Madung dibuat halak Tuhanku hape nada huboto sanga na tu dia dibaen halahi.”

JOHANNES 20:13 Referans Kwoze

JOHANNES 20:15

Disapai Jesus ma tusia, “Biasi tangis ho inang? Ise na nijalahanmu?” Ning roha ni si Maria, panjago ni kobun i do i. Jadi didok si Maria ma, “Muda hamu do amang paimbarkon sian on, paboa ma jolo tu au sanga di dia dibaen ho Ia. Au pe mambuatsa annon.”

JOHANNES 2:4

Dialusi Jesus ma, “Aha do na dihagiotimu sian Au, inang? Napodo dapot dope hatihangKu.”

1 SAMUEL 1:8

Jana sai marpupu ma disapai si Elkana halaklahinia, “Biasi dehe sai tangis ho Hanna? Biasi nada ra ho mangan jana sai marsak ho? Nada he ummarga do au di ho ulang pado sampulu anak halaklahi?”

BAENON NI ANGKA RASUL 21:13

Tapi dialusi ia ma, “Aha ma he gunana martangisan hamu songon on, hum mangarsahi ate-atengku do i. Angke nada hum nirahutan au rade, tapi na rade do au mate di Jerusalem humopkop goar ni Tuhan Jesus.”

JOHANNES 20:2

Dung i marlojong ma ia manjalahi si Simon Petrus dohot sisean na asing haholongan ni Jesus i, didok ia ma tu halahi, “Madung dibuat halak bangke ni Jesus; nada hami boto sanga di dia dipayakkon bangkeNa i!”

JOHANNES 19:26

Diligi Ia ma tu inangNia dohot sisean na nihaholongan ni Jesus na jongjong disi. Dung i didok Jesus ma tu inangNia i, “Ligi ma inang, anakmu do indon.”

LUKAS 24:17

Didok Jesus ma tu halahi, “Taringot tu aha ma he na nihobaranmunu di na mardalan on?”

PARJAMITA 3:4

Adong do hatihana tangis dohot hatihana martata; hatihana mangandungi dohot hatihana manortor.

JEREMIA 31:16

Antak ma da na tangis i jana pahiang ilu ni matami! Nada magopo halolojamu tu dakdanakmi. Jagitonmu do tumbasna marmulahan do dakdanakmi sian tano ni musu.