JOHANNES 2:22 - BIBEL JAMITA NA DENGGAN

²² Jadi dung mulak mangolu Jesus mangulahi sian na mate, tarsingot ma angka siseanNia i na dung unjung didok Ia songon i. Gabe porsaya ma halahi tu na tarsurat di Buku Na Badia i dohot tu pandohan na nidok ni Jesus.

JOHANNES 2:22 Referans Kwoze

JOHANNES 12:16

Anggo di hatiha i nada diastui anak sisean ni Jesus i dope taringot tusi. Tapi dung dipasangap Jesus, i ma dung diparsilangkon jana mulak mangolu Ia, baru pe diingot halahi na dung tarsurat songon i di bagasan Buku Na Badia taringot tuSia jana na dung dipatulus halahi songon i tuSia.

JOHANNES 16:4

Tapi madung Hupaboa hian i saonnari tu hamu anso diingot hamu i saulahon muda dung dibaen halahi tu hamu na songon i, madung Hupaboa hian do i tu hamu.” “Anggo sian mulana nada pola Hupaboa hian i tu hamu, angke rap dope Au dohot hamu.

JOHANNES 14:26

Tapi Tondi Parbadia i ma na mangajarkon sasudena i tu hamu. Ia do Pangurupi na giot suruhonon ni Ama i markite-hite goarKu. Pangurupi i ma paingotkon tu hamu sasudena na dung Hupaboa i tu hamu.

MASMUR 16:10

angke nada dipadiar Ho au mate, halak na nihaholonganMu nada dilehen Ho tu hamatean.

JOHANNES 2:17

Dung i tarsingot ma tu roha ni angka siseanNia i ayat na di Buku Na Badia i songon on, “Holong ni roha maradopkon BagasMu, sai marsigorgor do songon api na mambaen mosok!”

BAENON NI ANGKA RASUL 11:16

Jadi tarsingot ma tu rohangku, na jungada didok Tuhan i, ‘Si Johannes mandidihon dohot aek, tapi anggo hamu nipandidihon dohot Tondi Parbadia.’

JOHANNES 2:11

I ma tanda hahomangan na parjolo dibaen Jesus; i ma na nibaenNia di Kana na di Luat Galilea. Dipatuduhon Jesus ma hasangapanNia markite-hite hahomangan i. Gabe porsaya ma tuSia angka siseanNia i.

LUKAS 24:44

Dung i mandok hata ma Ia tu halahi ning Ia ma, “Angka on ma na Hupaboa hian di hamu, dompak rap dope Au dohot hamu, angkon tarjadi do sudena sanga aha na tarsurat taringot tu Au di angka Buku Ni si Musa dohot buku ni angka panurirang dohot Masmur i.”

LUKAS 24:26

Na he angkon taonon ni Kristus i do sudena parkancitan i, laho masuk tu hamuliaanNia i?”

JOHANNES 2:2

jana diontang do Jesus rap dohot angka siseanNia tu pesta i.

BAENON NI ANGKA RASUL 13:33

madung dipatulus Ia i sude tu hita markite-hite na nipangoluNia Jesus mangulahi sian hamatean. Angke tarsurat do di Masmur paduahon songon on, ‘AnakKu do Ho, sadari on ma Au gabe AmangMu.’