JOHANNES 2:19 - BIBEL JAMITA NA DENGGAN

¹⁹ Ninna Jesus ma mangalusi, “Rumpakkon hamu ma Bagas Ni Debata on, anso Hupajongjong mangulahi di bagasan tolu ari.”

JOHANNES 2:19 Referans Kwoze

MARKUS 14:58

Didok halahi, “Hami bege do didok bayo on, ‘Hurumpakkon ma Bagas Ni Debata na nibaen ni jolma on, dung tolu ari Hupajongjong ma mangulahi Bagas Ni Debata na so nibaen ni jolma.’ ”

MARKUS 15:29

Sude halak na mamolus sian i, marsiincahi ma tu Jesus, mangalayasi. Mopeng-openg be ma ulu ni halahi mandok, “O, ale Ho na giot mangarumpakkon Bagas Ni Debata jana na giot pajongjongkonna di bagasan tolu ari,

MATEUS 27:40

Ninna halahi ma, “Heh! Ho ma na giot mangarumpakkon Bagas Ni Debata, giot pajongjongonMu ma i di bagasan tolu ari! Muda na tutu ma Ho Anak Ni Debata, antong palua ma diriMu sandiri! Mijur ma Ho sian silang i!”

MATEUS 12:40

Tolu ari tolu borngin Panurirang Junus di bagasan butuha ni ihan na godang i. Songon i muse ma Anak Ni Jolma i, di bagasan tano.

SURAT NI SI PAULUS TU PARLAGUTAN ROM 8:11

Muda Tondi Ni Debata na pangoluhon Jesus sian hamatean i do mangolu di bagasan dirimunu, jadi pangoluonNia muse ma pamatangmunu na ra mate i, songon Kristus na nipangoluNia sian hamatean i, markite-hite TondiNia na mangolu i di bagasan hamu.

BAENON NI ANGKA RASUL 3:15

Dibunu hamu ma Ia, haru pe nian Ia do haroroan ni ngolu ni sude jolma. Jana madung dipangolu Debata Ia mangulahi sian hamatean. Hami sandiri ma manyaksihon i.

BAENON NI ANGKA RASUL 2:32

Jesus on ma da na nipangolu ni Debata mangulahi sian hamatean. Sude do hami manyaksihon i.

BAENON NI ANGKA RASUL 2:24

Tapi dipabangkit Debata do Ia jana dipalua sian bernit ni hamatean, angke nada tarbaen hamatean i torus maniop Ia.

1 PETRUS 3:18

Angke sanoli sajo do mate Kristus hara ni dosanta ro di salolot-lolotna – i ma sada halak na so marsala, na mate humopkop halak parsala, anso tartogu Ia hamu mandapotkon Debata. Nibunu do Ia mangihutkon sibuk tapi nipangolu mangulahi mangihutkon tondi.

SURAT NI SI PAULUS TU PARLAGUTAN ROM 6:4

Di pandidion i, madung ditanom hita rap dohot Ia, di bagasan hamatean do hita disi rap dohot Ia, anso songon Kristus na mulak mangolu i sian hamatean dibaen Ama na sangap i, laing songon i muse ma hita tarbaen mandalani ngolu na imbaru.

JOHANNES 11:25

Dialusi Jesus ma, “Au do hangongot dohot hangoluan. Laing mangolu do sanga ise na porsaya tu Au haru pe na dung mate ia.

MARKUS 8:31

Dung i dipungka Jesus ma mangajarkon tu angka anak siseanNia paboahon angkon bahat parkancitan taonon ni Anak Ni Jolma i. Dialo angka pamimpin dohot angka sintua ni malim dohot angka Siboto Surat i ma Ia. Bunuon ni halahi ma Ia, tapi dung tolu ari, mulak mangolu ma Ia mangulahi.

KOLOSSE 2:12

Angke di na nididihon i hamu, ditanom do hamu rap dohot Kristus; jana laing hara ni pandidion i muse, dohot do hamu dipangolu mangulahi rap dohot Kristus angke dihaporsayai hamu do kuaso ni Debata na dung pangoluhon Kristus sian hamatean.

1 KORINTUS 15:12

Tapi muda i do na hami jamitahon, i ma Kristus na dung nipangolu i mangulahi sian hamatean, biasi laing adong dope deba sian hamu na mandok, anggo jolma na mate, nada pangoluon be mangulahi?

SURAT NI SI PAULUS TU PARLAGUTAN ROM 4:24

tapi dohot do tu hita. Hita pe dohot do etongonNia, harana porsaya do hita tuSia na dung pangoluhon Jesus Tuhanta i sian halak na mate,

BAENON NI ANGKA RASUL 3:26

I do umbaen na nipili ni Debata NaposoNia, jana hamu do na parjolo didapotkon Ia anso dipasupasu Ia hamu, dohot paubahon rohamunu sudena sian ngolumunu na jahat i.”

JOHANNES 5:19

Dialusi Jesus ma halahi songon on, “Ingot hamu ma na Hudok on: Nada dibaen Anak i sanga na aha pe mangihutkon roha-rohaNia sandiri. Sanga aha na niidaNia dibaen AmangNia, hum i sajo do dibaen Ia. Angke sanga aha na nibaen ni Ama i, laing i muse do dibaen Anak i.

MATEUS 27:63

Didok halahi ma, “On dope anso hami ingot tuan, taran mangolu pargabus i unjung do didok Ia songon on, ‘Dung tolu ari, mulak mangolu ma Au mangulahi.’

MATEUS 16:21

Mamungka sian i marsitangkas ma Jesus paboahon tu angka anak siseanNia i. Angkon kehe Ia tu Jerusalem jana angkon parkancitan ni angka pamimpin dohot angka Sintua Ni Malim dohot Siboto Surat Jahudi ma Ia disi. Angkon bunuon Ia, tapi mulak mangolu ma Ia di ari patoluhon!

BAENON NI ANGKA RASUL 6:14

Hami bege do didokkon ia, na giot rumpakkonon ni Jesus halak Nasaret i adat na denggan na nilehen ni si Musa tu hita!”