JOHANNES 2:14 - BIBEL JAMITA NA DENGGAN

¹⁴ Di Bagas Ni Debata na di Jerusalem, didapot Ia ma angka halak na manggadisi lombu, biri-biri dohot darapati; didapot Ia muse dope disi marjuguhan angka halak na manukarkon hepeng.

JOHANNES 2:14 Referans Kwoze

MARKUS 11:15

Jadi lalu ma halahi tu Jerusalem. Masuk ma Jesus tu Bagas Ni Debata. Dipaorot Ia ma disi angka halak na marjagal di inganan i. Angka meja ni panukar-nukar hepeng dohot angka bangku-bangku ni parjagal darapati dipartunggalingkon Ia sude.

MARKUS 11:17

Dung i mangajar ma Jesus tu halak na disi i. Didok Ia ma, “Nada he tarsurat do di Buku Na Badia songon on: Didok Debata do, ‘Digoari ma BagasKu inganan partangiangan ni sude bangso?’ Hape gabe dibaen hamu do i gabe liang ni panyamun!”

JEHESKIEL 36:38

Angka kota na masego saonnari, gok ma sanolion manginganisa songon Jerusalem di hatiha na salpu na gok dohot biri-biri na dihaulkon di hatiha pesta. Jadi botoonmunu ma Au do Tuhan.”

JOHANNES 2:15

Dipature Ia ma sada sambok-sambok sian tali, diusir Ia ma sude angka pahan-pahanan i sian Bagas Ni Debata, biri-biri i sude dohot lombu i. Diparbalikkon Ia ma sude meja ni situkar hepeng i, gabe marsarsaran ma hepeng ni halahi.