JOHANNES 19:9 - BIBEL JAMITA NA DENGGAN

⁹ Masuk ma ia mangulahi tu bagasan inganan i, disapai ia ma tu Jesus, “Sian dia dehe asalMu?” Tapi nada dialusi Jesus bagi aha.

JOHANNES 19:9 Referans Kwoze

JOHANNES 18:33

Masuk ma si Latus mangulahi tu bagasan mamiohon Jesus. Dung i disapai ia ma Jesus ning ia ma, “Adong he Raja Ni halak Jahudi Ho?”

PILIPPI 1:28

Angkon puluk do hamu tongtong; ulang mabiar hamu mida angka alomunu. I ma tandana di halahi, paboa na angkon talu halahi jana hamu ma na monang. Angke Debata sandiri do na mambaen hamu gabe monang.

JOHANNES 8:14

Dialusi Jesus ma, “Haru pe Husaksihon taringot tu diringKu sandiri, tutu do na Husaksihon i; angke Huboto do sanga sian dia Au ro jana tu dia Au kehe. Anggo hamu nada diboto hamu sanga sian dia Au ro jana tu dia Au kehe.

MATEUS 26:63

Tapi sip sajo do Jesus. Dung i diulahi Malim Godang i ma mandok hata tuSia, “Saonnari mangasahon Debata na mangolu i hupangido tu Ho sumpahon ma tu hami, tutu do Ho Anak Ni Debata Kristus i?”

JESAYA 53:7

Kejam do dibaen tusia, tapi sip sajo do ia manaonsa, songon anak ni biri-biri na nioban tu panyambolan, jana songon induk ni biri-biri na maoto hohom maradopkon halak na manggusting imbuluna.

HAKIM-HAKIM 13:6

Dung i kehe ma dadaboru ni si Manoah i mandapotkon halaklahina jana didok ia ma, “Adong suruan ni Debata ro tu au, songon Surusuruan Ni Debata do tompana jadi gabe mabiar au. Nada husapai sanga na sian dia ia ro, jana ia pe nada dipaboa goarna tu au.”

JOHANNES 18:37

Dung i marsapa ma si Latus tuSia, “Antong anggo songon i, tutu do Ho raja?” Dialusi Jesus ma, “Tutu do Au raja, songon na nidokmi. Sorang pe Au jana ro tu portibi on hum na sada on sajo do maksudna, i ma laho manyaksihon hasintongan. Jana sanga ise na marasal sian hasintongan i dijagit ia do Au.”

MATEUS 27:27

Dung i dioban angka parajurit ni si Latus i ma Jesus masuk tu bagas paruhuman ni gubernur i. Marlagut ma tentara i sudena manghaliangi Jesus.

LUKAS 23:9

Jadi gabe bahat do sapa-sapania tu Jesus, hape umpe ra Jesus mangalusi ia.

JOHANNES 18:28

Dung i dioban halahi ma Jesus sian bagas ni si Kayafas tu inganan ni gubernur. Manyogot dope hatiha i. Anggo halak Jahudi i sandiri nada pola masuk tu bagasan inganan i, anso ulang gabe ramun halahi mangihutkon ugamo, hara ni na giot dohot halahi mangankon sipanganon Paskah.

JOHANNES 18:34

Dialusi Jesus ma, “Sapa-sapamu sandiri dehe i sanga adong halak na asing paboahon tu ho taringot tu Au?”

JOHANNES 19:8

Jadi dung dibege si Latus songon i pandok ni halahi, mur mabiar ma ia.

JOHANNES 19:10

Jadi didok si Latus ma manyapai Ia, “Na so ra do Ho mangalusi au? Na so diboto Ho do lakna na markuaso do au paluahon Ho sanga mamparsilangkon Ho?”