JOHANNES 19:42 - BIBEL JAMITA NA DENGGAN

⁴² Gabe tusi ma dipamasuk halahi bangke ni Jesus hara ni na giot dapot ma Ari Sabat, boti hara ni donokna.

JOHANNES 19:42 Referans Kwoze

JOHANNES 19:31

Ari Jumahat do hatiha i, i ma ari parhobasan tu Ari Pesta Paskah i. Nada tola di halak Jahudi laing gantung bangke ni halak na niparsilangkon di hayu parsilang di Ari Sabat. Tarlobi Ari Sabat na gumodang do Ari Sabat on. Jadi hara ni i dipangido halak Jahudi i ma tu si Latus anso niponggolan holi-holi ni pat ni angka na diparsilangkon i anso nipaijur bangke ni halahi sian hayu parsilang i.

JOHANNES 19:14

Hira-hira pukul dua bolas ma hatiha i, jana andospotangna i mamungka ma etongon Ari Sabat. Didok si Latus ma tu halak Jahudi i, “Na ma, indon rajamunu on!”

JOHANNES 19:41

Adong do di lambung inganan ni hayu panyilangan ni Jesus i sada kobun. Adong do sada kuburan na imbaru na so jungada dope marpake gabe pananoman ni halak.

JESAYA 53:9

Dikubur do ia rap dohot halak na jahat, jana ditanom di tonga-tonga ni halak na maradong, harupe na so jungada ia mangasahon gogo, jana nada adong sipaoto-oto di angka hatania.”

KOLOSSE 2:12

Angke di na nididihon i hamu, ditanom do hamu rap dohot Kristus; jana laing hara ni pandidion i muse, dohot do hamu dipangolu mangulahi rap dohot Kristus angke dihaporsayai hamu do kuaso ni Debata na dung pangoluhon Kristus sian hamatean.

1 KORINTUS 15:4

Madung ditanom Ia, jana mangulahi Ia dipangolu di ari patoluhon. I pe na dung tarsurat hian do i di Buku Na Badia i.

BAENON NI ANGKA RASUL 13:29

Jadi dung salose sudena dibaen halahi na tarsurat taringot tuSia, dipaijur halahi ma bangkeNa i sian hayu parsilang i, dipayakkon halahi ma Ia di kuburan.

JOHANNES 19:20

Bahat ma halak na manyise suratna i, harana nada pola sadia dao inganan i sian kota. Disuratkon di hata Ibrani, hata Latin dohot hata Junani do dibaen suratna i.

MATEUS 12:40

Tolu ari tolu borngin Panurirang Junus di bagasan butuha ni ihan na godang i. Songon i muse ma Anak Ni Jolma i, di bagasan tano.

MASMUR 22:15

Aru-arungku mahiang songon ngarngar, dilaniba lohot di langit-langit ni pamangan. Anggo au madung ditinggalkon Tuhan, songon halak na mate di kuburan.