JOHANNES 19:18 - BIBEL JAMITA NA DENGGAN

¹⁸ Dipakuhon ma Ia disi tu hayu parsilang i. Diparsilangkon muse do dua halak nari na asing rap dohot Ia, sahalak di siambirang, sahalak nari di siamunNia, di tonga-tonga ma Jesus.

JOHANNES 19:18 Referans Kwoze

JESAYA 53:12

Hara ni i lehenonKu ma tusia angka na sangap songon rampasan dohot angka na togos songon tabanan, i ma gonti ni na dung dilehen ia hosana tu hamatean dohot hara ni na dietong ia parjahat, haru pe ia do mananggung dosa ni halak na bahat, jana martangiang tu parjahat i.

GALATIA 3:13

Madung ditobus Kristus hita sian bura ni Tona i, markite-hite na gabe bura hara ni hita, angke tarsurat do, “Na hona bura do sanga ise na hona gantung di hayu parsilang.”

JOHANNES 18:32

Tarjadi pe songon on anso tulus do hata na nidok ni Jesus taringot tu pangalaho ni parmateNia.)

MATEUS 27:44

Angka panyamun na diparsilangkon rap dohot Ia, mangincahi ma songon i tuSia.

MASMUR 22:16

Dihobuk punguan ni halak na jahat do au, tudos tu anjing na marudur halahi mangarongomi au, manyuak-nyuak tangan dohot patku.

IBRANI 12:2

Tu Jesus ma tatatap, na manogu-nogu hita di bagasan haporsayaan, jana na maroban haporsayaanta i tu hasanggaman. Ditaonkon Ia do mate di hayu parsilang gonti ni jop ni roha na dung diparade diSia, jana juguk do Ia nuaeng di siamun ni habangsa ni Debata.

JOHANNES 19:32

Jadi kehe ma angka tentara i mamonggoli pat ni na parjolo i, dung i pat ni na sada nari na niparsilangkon rap dohot Jesus.

BAENON NI ANGKA RASUL 2:23

Ia na dung dilehen ni Debata tudos tu maksud dohot sangkapNa, madung diparsilangkon hamu di hayu na marsilang jana dibunu markite-hite bangso na geduk.