JOHANNES 19:15 - BIBEL JAMITA NA DENGGAN

¹⁵ Marsurak-surak ma halahi, ninna halahi, “Bunu ma i! Bunu ma! Parsilangkon i!” Dung i ninna si Latus ma mandok tu halahi, “Parsilangkononku ma he Rajamunu?” Dialusi angka kapala ni malim i ma, “Hum sasada Kesar i do rajanami!”

JOHANNES 19:15 Referans Kwoze

LUKAS 23:18

Jadi marsurak ma angka jolma na disi sudena, “Matehon i! Si Barabbas ma palua di hami!” (

BAENON NI ANGKA RASUL 22:22

Laing dipatangi-tangi halak na bahat i dope si Paulus na mandok hata i, tapi di ujung ni pandohannia i, marsurak ma halahi sagogo-gogona, “Gumonan ma nimatehon anggo halak sisongon i. Nada tama be mangolu i!” ninna halahi.

BAENON NI ANGKA RASUL 21:36

Dipaihut-ihut halahi ma sian pudi marsurahi, “Bunu i!” ninna halahi.

JOHANNES 19:6

Dung diida angka kapala ni malim dohot angka panjago i Jesus, marsurak ma halahi, “Parsilangkon i! Parsilangkon i!” ning halahi. Ninna si Latus ma mandok halahi, “Hamu ma mambuat dohot mamparsilangkonsa. Anggo au nada adong dapot au bagi na aha salaNia.”

PAMUNGKAAN 49:10

Tiopon ni si Juda ma tungkot harajaon. Mamarenta ma pomparanna sapanjangna. Marroan ma angka bangso pasahat somba-sombana. Jana manungkap tanda tunduk di jolona.

JOHANNES 18:31

Didok si Latus ma tu halahi, “Hamu ma mamaresoSa dohot mamutuskon uhuman mangihutkon tona ni ugamomunu sandiri!” Tapi dialusi halak Jahudi i ma, “Nada tola bunuonnami sanga ise.” (

MATEUS 22:17

Jadi hara ni i, paboa ma jolo taringot tuson: Tola dehe mangihutkon Tona ni ugamo Jahudi manggarar pajak tu Kesar Rom sanga nada?”

BAENON NI ANGKA RASUL 13:28

Haru pe so adong dapot halahi sanga aha na patut mambaen hona bunu Ia, hape laing digogohon halahi do tu si Latus anso laing dibunu Ia.