JOHANNES 18:12 - BIBEL JAMITA NA DENGGAN

¹² Dung i ro ma angka parajurit i dohot komandanna i songon i dohot angka Jahudi panjago i, ditangkup halahi ma Jesus jana ditambat.

JOHANNES 18:12 Referans Kwoze

JOHANNES 18:3

Dung i ro ma si Judas tu inganan i, dioban ia ma saparangan tentara dohot angka panjago ni Bagas Ni Debata na nisuru ni angka sintua ni malim dohot halak Parise. Maroban sinjata do halahi, lampu dohot sulu.

MATEUS 26:57

Dioban angka na manangkup i ma Jesus tu bagas ni Malim Godang na margoar si Kayafas. Marlagut ma disi angka Siboto Surat ni halak Jahudi dohot angka hatobangon ni halahi.

BAENON NI ANGKA RASUL 21:37

Jadi di na laho masuk tu markas i, didok si Paulus ma tu komandan i, “Tola do au mandok hata saotik tu komandan i?” ning ia. Didok komandan i ma, “Malo do ho marhata Junani lakna?”

BAENON NI ANGKA RASUL 21:31

Jadi di na giot bunuon ni angka sibaen gaor i si Paulus adong ma halak na paboahon tu komandan ni tentara Rom na disi, na dung gaor sude Jerusalem.

LUKAS 22:54

Ditangkup halahi ma Jesus jana dioban ma tu bagas ni Malim Godang. Dipaihut-ihut si Petrus ma sian na dao.

MARKUS 15:1

Jadi sogot dope diompoti parrapot Godang i ma sude, dohot angka sintua ni malim, bagian hatobangon ni halak Jahudi dohot angka Siboto Surat mambaen partahian. Dirante halahi ma Jesus, dung i dioban ma Ia tu si Latus laho pasahatkon Ia tu si Latus.

MARKUS 14:53

Dioban ma Jesus tu bagas ni Malim Godang. Madung marlagut hian disi angka sintua ni malim, hatobangon ni halak Jahudi dohot angka Siboto Surat.

MATEUS 27:2

Ditambat halahi ma Ia. Dioban ma laho pasahatkon Ia tu si Latus. I ma gubernur ni Harajaan Rom.

HAKIM-HAKIM 16:21

Gabe ditangkup halak Pilistin ma ia jana diholuk anak ni matana i. Dioban halahi ma ia tu Gasa jana ditambat halahi ma ia dohot rante tumbaga lalu dipamasuk ma tu bagasan hurungan. Disuru ma ia disi markarejo manggiling.

PAMUNGKAAN 22:9

Di na lalu halahi tu inganan na nidok ni Debata tu si Abraham, dipajongjong ia ma sada langgatan jana diatak ia ma soban i di ginjang ni langgatan i. Bulus ditambat ia ma anaknia i jana dipapodom ia di langgatan i di ginjang ni soban i.

BAENON NI ANGKA RASUL 23:10

Songon i ma jebuna na martongkari i, jabat mabiar komandan i betak sai diparsuakkon halahi lalu si Paulus. Jadi disuru ia ma pasukannia i mambuat si Paulus sian tonga-tonga ni halahi, dioban ma ia tu markas.

MASMUR 118:27

Tuhan do Debata, madung ditorangi Ia, hita. Tambatkon ma haul pesta i dohot tali, tu tanduk-tanduk ni langgatan i.

PAMUNGKAAN 40:3

Jadi dipahurungkon raja i ma halahi tu hurungan na di bagas ni kapala ni pangawal ni raja i, i ma inganan ni si Josep na tarhurung i.

MATEUS 27:27

Dung i dioban angka parajurit ni si Latus i ma Jesus masuk tu bagas paruhuman ni gubernur i. Marlagut ma tentara i sudena manghaliangi Jesus.

BAENON NI ANGKA RASUL 10:1

Adong ma sada bayo di Kaisarea na margoar si Kornelius, i ma komandan ni “Tentara Italia”.