JOHANNES 17:4 - BIBEL JAMITA NA DENGGAN

⁴ Madung Hupasangap Ama i di ginjang tano on; jana madung Hupasidung karejo na nisuru ni Ama i karejohononKu.

JOHANNES 17:4 Referans Kwoze

JOHANNES 4:34

Dung i didok Jesus ma, “Anggo sipanganonKi, i ma na mangihutkon hagiot ni na marsuru Au, jana pasidungkon parkarejoan na nilehenNia sikarejohononKu.

BAENON NI ANGKA RASUL 20:24

Tapi nada pola hupardulihon ngolungkon, asalkan ma hupasidung karejo na nipasahat ni Tuhan Jesus tu au jana asal ma sai burju au lopus tu ujung ni ngolungku laho manjamitahon Jamita Na Denggan i, i ma taringot tu asi ni roha ni Debata.

2 TIMOTEUS 4:7

Anggo au madung hudohoti parlumbaan i sadenggan-dengganna, jana madung lalu tu ujung, jana madung humomosi do haporsayaan i.

JOHANNES 19:30

Diincop Jesus ma anggur i, dung i ning Ia ma, “Madung marujung!” Jadi dipaunduk Ia ma uluNia, tos ma hosaNia.

JOHANNES 14:31

Tapi anso diboto portibi on na holong do rohangKu mida Ama i, i do umbaen na Hukarejohon sandok na nisuruhon ni Ama i karejohononKu. I pe, beta ma hita kehe sian on.”

JOHANNES 15:10

Muda diihutkon hamu angka parentangKu, mangolu ma hamu sian holong ni rohangKu, laing songon Au na mangolu hara ni holong ni roha ni Damang, angke Huihutkon do na niparentahonNia.

JOHANNES 14:13

Jana sanga aha pe na nipangidomunu di bagasan goarKu, baenonKu ma i di hamu, anso nipasangap Ama i markite-hite Anak i.

JOHANNES 12:28

Pasangap ma goarMu da Amang!” Dung i tarbege ma sora sian langit na mandok, “Madung Hupasangap i tapi pasangaponKu dope i mangulahi.”

JOHANNES 9:3

Dialusi Jesus ma, “Mapitung pe ia nada hara ni na mardosa ia jana nada hara ni na mardosa simatobangnia. Mapitung pe ia anso diida halak do kuaso ni Debata markarejo di bagasan dirinia.

JOHANNES 5:36

Tapi adong dope di Au hatorangan na ummarga sian na nilehen ni si Johannes. Karejo na nidok ni Damang karejohononKu, i ma karejo na Hubaen saonnari, sudena i patorangkon bahaso Ama i do na marsuru Au.

LUKAS 22:37

Angke Au mandok di hamu! Angkon tulus muse dope tu Au hata na tarsurat di Buku Na Badia na mandok, ‘Etongon ma Ia songon sada halak parjahat.’ Angke sanga aha na tarsurat di Buku Na Badia i taringot tu Au, saonnari ma tarjadi.”

JOHANNES 19:28

Dung i diboto Jesus ma na dung sidung sasudena; jadi songon na tarsurat di Buku Na Badia i angkon laing tulus do i, gabe didok Ia ma, “Manguas Au.”