JOHANNES 17:10 - BIBEL JAMITA NA DENGGAN

¹⁰ Sude na adong di Au laing Damang do nampuna i; jana sude sinadongan ni Damang laing Au do nampuna i. Markite-hite halahi do Au dipasangap.

JOHANNES 17:10 Referans Kwoze

JOHANNES 10:30

Sada do Au dohot Damang.”

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.

2 TESSALONIKA 1:10

Muda dung ro Ia di ari i giot pasangapon di tonga-tonga ni halak nabadiaNia, jana gabe hahomangan ma Ia di sude halak na porsaya, harana madung di haporsayai hamu hasaksian na hami boan i.

KOLOSSE 2:9

Angke sasudena hadirion ni Debata dapot do di Kristus, i ma di bagasan hajolmaonNia.

2 TESSALONIKA 1:12

Jadi muda songon i, marsangap ma goar ni Tuhanta Jesus Kristus di bagasan hamu, jana hamu di bagasan Ia, mangihutkon asi ni roha ni Debatanta dohot Tuhan Jesus Kristus.

PILIPPI 1:20

Hum on ma i na sai hupangidohon dohot na huaropkon: Ulang nian gabe so tulus sidung karejongku. Sai diarop rohangku do tongtong lumobi saonnari anso mur puluk au sian sudena roha bope pamatangku – sanga mangolu sanga na mate pe au – laing nipasangap ma Kristus.

BAENON NI ANGKA RASUL 19:17

Jadi tarboto ma na songon i tu sude halak Jahudi dohot tu halak Junani na adong di Epesus, gabe mabiar be ma halahi sude. Tapi anggo goar ni Tuhan Jesus mur marsangap ma.

JOHANNES 11:4

Dung dibege Jesus barita i didok Ia ma, “Nada pola mate ia baenon ni nyae i. Anso marsangap do Debata umbaen na marnyae si Lasarus; anso laing dohot muse ma dipasangap Anak Ni Debata.”

JOHANNES 5:23

Dibaen Damang pe i anso dipasangap halak do Anak i songon na ni baen ni halak tu Damang. Halak na so pasangapkon Anak i, nada diparsangapi ia muse Ama na marsuru Anak i.

GALATIA 1:24

Gabe dipuji halahi do Debata hara ni au.

JOHANNES 12:23

Dung i didok Jesus ma tu halahi, “Madung dapot hatihana pasangapon Anak Ni Jolma i.