JOHANNES 16:17 - BIBEL JAMITA NA DENGGAN

¹⁷ Dung i marsisapa-sapaan ma deba angka sisean ni Jesus i, ninna halahi ma, “Aha dehe astuan ni i sudena? Didok Ia, ‘Santongkin nari noma nada idaonmunu be Au, jana santongkin nari idaonmunu ma Au.’ Didok muse dope, ‘Harana kehe ma Au mandapotkon Damang.’

JOHANNES 16:17 Referans Kwoze

JOHANNES 16:16

“Hum santongkin nari noma, nada idaonmunu be Au, tapi santongkin nari muse, idaonmunu ma Au.”

JOHANNES 16:5

Tapi anggo saonnari, kehe noma Au mandapotkon na marsuru Au; hape haru songon i, umpe sahalak sian hamu na manyapai, ‘Giot tu dia de Ho kehe?’

MARKUS 9:32

Nada diastui angka sisean ni Jesus i na niajarkonNia i, tapi mabiar halahi marsapa tuSia.

JOHANNES 16:19

Mangarti do Jesus na giot manyapai halahi tuSia. Jadi ning Ia ma tu halahi, “Hara ni na Hudok i, ‘Hum santongkin nari noma nada idaonmunu be Au, tapi santongkin nari muse idaonmunu ma Au.’ I dehe na giot sapaanmunu?

JOHANNES 14:5

Dung i didok si Tomas ma tu Jesus, “Nada hami boto Tuhan sanga na giot tu dia Ho kehe, sian dia ma hami boto dalan tusi?”

JOHANNES 12:16

Anggo di hatiha i nada diastui anak sisean ni Jesus i dope taringot tusi. Tapi dung dipasangap Jesus, i ma dung diparsilangkon jana mulak mangolu Ia, baru pe diingot halahi na dung tarsurat songon i di bagasan Buku Na Badia taringot tuSia jana na dung dipatulus halahi songon i tuSia.

LUKAS 18:34

Tapi sudena i saotik pe nada diastui angka siseanNia i. Nada tardodo halahi angka pandohan ni Jesus i. Nada diboto halahi sanga tudia lapatna na nidokkonNia i.

MARKUS 9:10

Dioloi halahi do na nidok ni Jesus i. Tapi anggo halahi sama halahi sajo mamungka ma dihata-hatai halahi sanga aha maksud ni Jesus di na nidokNia nangkin, “Mulak mangolu sian hamatean.”

JOHANNES 16:1

“Hupaboa pe i sudena tu hamu, anso ulang gabe mardandi do hamu.

JOHANNES 14:22

Disapai si Judas (tapi nada si Judas Iskariot) ma Jesus, “O Tuhan! Biasi ma hum tu hami dipatangkas Ho diriMu Tuhan, hape tu portibi on nada?”

LUKAS 9:45

Nada diastui halahi i sanga aha maksud ni Jesus. Nian na dirahasiahon do tu halahi taringot tusi umbaen na so diastui halahi maksudna. Tapi halahi pe mabiar laho manyapaisa tu Jesus.

JOHANNES 16:18

Aha do maksudNia mandok ‘Santongkin nari’? Nada binoto sanga taringot tu aha na nidokNia!”