JOHANNES 16:15 - BIBEL JAMITA NA DENGGAN

¹⁵ Au do nampuna sasude na adong di Ama i. I do umbaen na Hudok, sanga aha na nipasahat ni Tondi i tu hamu, sian Au do i dijagit Ia.”

JOHANNES 16:15 Referans Kwoze

JOHANNES 17:10

Sude na adong di Au laing Damang do nampuna i; jana sude sinadongan ni Damang laing Au do nampuna i. Markite-hite halahi do Au dipasangap.

JOHANNES 3:35

Dihaholongi Damang do AnakNia jana madung dipasahat Damang sasudena tuSia.

MATEUS 11:27

“Madung dipasahat Damang do tu Au, sandok na adong. Nada adong na mananda Anak i asing sian Damang. Nada adong muse na mananda Ama i asing sian Anak i, dohot tu halak na ra Jesus papatarkonsa.”

KOLOSSE 1:19

Na nihagiotan ni Debata sandiri do anso sasudena na dapot di bagasan diri ni Debata sandiri adong muse sudena i di diri ni AnakNia i.

LUKAS 10:22

“Madung dipasahat Damang do sudena tu Au. Jana umpe adong sahalak na mananda Anak i, hum Damang do na manandasa. Songon i muse ma, nada adong na mananda sanga ise Ama i, hum Anak i do na manandaSa; dohot halak na gabe lomo ni roha ni Anak i laho patandahon Damang tu halahi.”

MATEUS 28:18

Gabe dipadonok Jesus ma tu halahi, didok Ia ma hata, “Sude kuaso na di banua ginjang dohot di tano on, madung dipasahat tu Au.

JOHANNES 13:3

Diboto Jesus do na dung dipasahat AmangNia sude kuaso tuSia. Jana diboto Ia muse do na ro sian Debata Ia, jana angkon mulak muse Ia tu Debata.

KOLOSSE 2:9

Angke sasudena hadirion ni Debata dapot do di Kristus, i ma di bagasan hajolmaonNia.

JOHANNES 17:2

Madung dilehen Damang tu Anak i kuaso mangarajai sude jolma manusia anso dilehen Anak i hangoluan na so mantak tu sudena halak na nipasahat ni Damang tuSia.

KOLOSSE 2:3

Harana dibagasan Ia do buni sude arta habisuhon dohot hapistaran.

JOHANNES 14:21

Sanga ise na manjagit angka parentangKi jana na mangoloisa, i ma na mangkaholongi Au. Haholongan ni Damang ma sanga ise na mangkaholongi Au. Au pe laing haholonganKu ma halahi, jana patidahononKu ma tu halahi sanga ise Au.”