JOHANNES 15:7 - BIBEL JAMITA NA DENGGAN

⁷ Muda tinggal do hamu di bagasan Au jana pangajaranKu pe sai tinggal di bagasan rohamunu, tola ma pangidoanmunu sanga na aha pe giotmunu; nigohan ma pangidoanmunu i.

JOHANNES 15:7 Referans Kwoze

MASMUR 37:4

Jalahi ma hatuaanmu di bagasan Tuhan, dilehen Ia ma por ni rohamu.

1 JOHANNES 5:14

Jana puluk ma hita ro tu Debata, angke tangihononNia do sudena pangidoan na tapajojor tuSia mangihutkon hagiot ni rohaNia.

JOHANNES 14:13

Jana sanga aha pe na nipangidomunu di bagasan goarKu, baenonKu ma i di hamu, anso nipasangap Ama i markite-hite Anak i.

1 JOHANNES 3:22

Jana sanga aha pe na tapangido sian Ia, dapot hita do i, angke burju do hita mangoloi angka tonaNia dohot patuluskon sanga aha na tumbuk tu rohaNia.

JOHANNES 15:16

Nada hamu mamili Au. Au do na mamili hamu jana Husuru hamu kehe anso ramos hamu marbatu – i ma parbatu na denggan. Dung i lehenon ni Damang ma di hamu sanga aha pe na nipangidomunu markite-hite goarKu.

MATEUS 7:7

“Pangido hamu ma, gabe manjagit ma hamu. Jalahi hamu ma, gabe dapotan ma hamu. Tuktuhi hamu ma pintu, gabe dibuka ma pintu i di hamu.

JOHANNES 16:23

Anggo di ari i, nada sapaanmunu be sanga aha tu Au. Tutu do na Hudok on tu hamu; sanga aha na nipangidomunu sian Ama i markite-hite goarKu lehenon ni Damang ma i di hamu.

GALATIA 5:16

Na hudok songon on: Mangolu ma hamu marguru tu na niajarkon ni Tondi i, anso ulang dipaolo-oloi hamu be bakomunu humani na jat i.

1 JOHANNES 2:27

Harana di bagasan dirimunu tinggal do pamiahion na dung nijagitmunu sian Ia. Hara ni i nada porlu hamu ajaran ni halak na asing, tapi songon dia pamiahonNia mangajari hamu taringot tu sudena – jana sintong do pangajaranNia i; nada gabus – jana songon dia Ia mangajari hamu na jolo, songon i muse ma nian hamu maringanan di bagasan Ia.

JEREMIA 15:16

Muda marsuo au dohot angka hataMu, gabe hutangihon ma i gabe hasonangan do di au hataMi, jana gabe jop ni rohangku. Angke madung dibaritahon tu au goarMi, ale Tuhan Na Markuaso.

PODA 10:24

Halak na bulus dapotsa por ni rohana; halak na jahat dumpangan na nihabiaranna.

MASMUR 119:11

Madung husimpan pangajaranMu di bagasan rohangku, anso ulang mardosa au maradopkon Ho.

JESAYA 58:8

Jadi marsinondang ma hatiuranmu songon mataniari bincar, jana angka gasamunu pe manigor malum ma. Hasintongan ma mardalan di jolomunu jana hasangapan ni Tuhan mangihut di pudimunu baen haluaanmunu.

PANGARATAION 6:6

Angka parenta na hulehen tu hamu sadari on, ulang jabat dihalupahon hamu i.

1 JOHANNES 2:14

Hubaen surat on tu hamu angka dakdanak, dibaen madung ditanda hamu Ama i. Hubaen surat on tu hamu angka ama, dibaen madung ditanda hamu Ia na dung adong hian sian mula ni mulana. Hubaen surat on tu hamu angka na poso, angke gogo do hamu, jana hata ni Debata maringanan di bagasan hamu, jana madung ditaluhon hamu hajahatan i.

KOLOSSE 3:16

Sai mur maringan ma angka pangajaran ni Kristus tu bagasan rohamunu jana dilehen ma pasupasuNa di hamu mardapot-dapot. Marsiajar-ajaran ma hamu jana marsipaingotan samalomunu. Endehon hamu ma Masmur dohot puji-pujian bope angka ende partondion tu Tuhan. Mardongan hatarimakasion sian bagasan rohamunu, marende ma hamu tu Debata.

PODA 4:4

diajar dainang au. Didok ia do, “Ingot ma angka sipaingotku, sanga na bia pe ulang halupahon i. Dalankon ma angka panogu-noguon na sian au, anso malua ho.

JOB 22:26

Gabe sai porsaya ma ho tu Debata, jana botoonmu ma sian Ia do haroroan ni jop ni rohaniba.

JOHANNES 8:37

Huboto do, pomparan ni si Abraham do nian hamu. Hape laing giot dibunu hamu do Au, hara ni na so ra hamu manjagit pangajaranKi.

JOB 23:12

Sai na huhaburjuhon do mangoloi angka parenta ni Debata, huihutkon do hagiotNia, nada nioloan giot-giotniba.

GALATIA 4:2

Tapi adong do halak na manjago i dohot na mangurus sude haporluannia lopus dapot hatiha na nitontuhon ni amangnia i.

1 RAJA-RAJA 3:5

Borngin i dipataridahon Tuhan ma diriNa tusia di bagasan nipi jana manyapai, “Aha do dipangido rohamu lehenonKu tu ho?”

JOHANNES 8:31

Dung i didokkon Jesus ma tu halak Jahudi na dung porsaya tuSia, “Anggo burju hamu mandalankon angka ajaranKi, i pe anso tutu hamu gabe siihutkon Au.