JOHANNES 14:8 - BIBEL JAMITA NA DENGGAN

⁸ Dung i didok si Pilipus ma tu Jesus, “Patidahon ma Ama i tu hami Tuhan, anso sombu rohanami,” ning Ia.

JOHANNES 14:8 Referans Kwoze

JOHANNES 16:25

“Markite-hite umpama do sudena i Hupatorang tu hamu. Tapi ro do hatihana, nada pola marumpama be Au muda mandok hata tu hamu. Torus tangkas noma dokkononKu tu hamu taringot tu Ama i.

MASMUR 17:15

Tapi di bagasan hatigoran do, giot tataponku bohimu. Muda dung ngot au rap dohot Ho mambaen jop rohangku.

JOB 33:26

Muda martangiang ia, alusan ni Debata ma, marsomba ma ia tu Debata marmoga-moga jana pasuangon ni Debata ma pangalahona.

MATEUS 5:8

Martua ma halak na ias rohana, angke halahi ma na giot marnida Debata.

MASMUR 63:2

Paloas ma au manatap tu Ho di inganan na badia, bope mangaligi hagogoan dohot hamuliaonMu.

JOHANNES 1:48

“Sian dia diboto Ho taringot tu au?” ninna si Natanael manyapai Jesus. Dialusi Jesus ma, “Taran so dipio si Pilipus ho, dompak di toru ni bona ni hayu ara i dope ho, madung Huida ho.”