JOHANNES 14:6 - BIBEL JAMITA NA DENGGAN

⁶ Ninna Jesus ma mangalusi, “Au do dalan i dohot hasintongan dohot hangoluan. Nada adong na tarbaen ro tu Ama i anggo so markite-hite Au.

JOHANNES 14:6 Referans Kwoze

BAENON NI ANGKA RASUL 4:12

Hum markite-hite Jesus sajo do jolma dipalua. Harana sian sude jolma na satano on, nada adong sahalak pe na dung manjagit kuaso sian Debata laho paluahon hita.”

JOHANNES 10:9

Au do pintu i. Sanga ise na masuk sian Au, dapotan haluaan; dapotan jampalan ma i muda masuk sanga karuar.’

EPESUS 2:18

Markite-hite Kristus tarbaen ma hita sudena solkot tu Ama i – sanga na halak Jahudi sanga pe angka na so Jahudi.

JOHANNES 1:4

Mual ni ngolu do Hata i, jana ngolu i ma na mangalehen sinondang tu jolma.

1 JOHANNES 5:20

Taboto do na dung ro Anak Ni Debata tu portibi on. Madung dilehen Ia tu hita pangastuion, anso tatanda Debata na sintong i; jana na maringanan do hita di bagasan Na Sintong i, i ma di bagasan AnakNia Jesus Kristus. On do Debata na sintong, jana on do ngolu na manongtong.

JOHANNES 1:14

Jadi madung gabe sibuk do Hata i, jana maringanan di tonga-tonganta, madung taida hamuliaonNia. Songon hamuliaon ni Anak Sasada na sian Ama i, na gok asi ni roha dohot hasintongan.

JOHANNES 1:17

Dibaen dilehen do Tona i markite-hite si Musa tapi anggo asi ni roha dohot hasintongan markite-hite Jesus Kristus do.

IBRANI 7:25

Jadi hara ni i sanga andigan pe tarbaen Jesus do paluahon sanga ise halak na ro tu Debata markite-hite Ia. Tarbaen Jesus pe songon i hara ni na mangolu do Ia sapanjangna laho pasahatkon tu Debata angka pangidoan ni halahi.

JOHANNES 8:32

Botoonmunu ma hasintongan i jana paluaon ni hasintongan i ma hamu.”

1 PETRUS 3:18

Angke sanoli sajo do mate Kristus hara ni dosanta ro di salolot-lolotna – i ma sada halak na so marsala, na mate humopkop halak parsala, anso tartogu Ia hamu mandapotkon Debata. Nibunu do Ia mangihutkon sibuk tapi nipangolu mangulahi mangihutkon tondi.

JOHANNES 5:21

Songon Damang na manyungguli halak na mate, jana dilehen Ia hangoluan tu halahi; laing songon i muse ma Anak i mangalehon ngolu tu halak, sanga ise giot ni rohaNia.

2 JOHANNES 1:9

Sanga ise na so maringan di pangajaran ni Kristus i, tapi na kehe manyimbil sian na niajarkon ni Kristus, nada marsada halak na songon i dohot Debata. Halak na sai tongtong di bagasan pangajaran ni Kristus, astuanna na marsada do ia tongtong tu Ama i dohot tu Anak i muse.

HALUMBAAN 20:15

Sanga ise halak na so adong goarna tarsurat di bagasan buku hangoluan i, diambungkon ma tu bagasan laut api i.

JOHANNES 15:1

“Au do bona ni anggur na tutu, jana Damang do parkobun i.

MATEUS 11:27

“Madung dipasahat Damang do tu Au, sandok na adong. Nada adong na mananda Anak i asing sian Damang. Nada adong muse na mananda Ama i asing sian Anak i, dohot tu halak na ra Jesus papatarkonsa.”

JOHANNES 6:51

Au do roti na mijur sian banua ginjang i, i ma sipanganon na mangalehen hangoluan. Halak na mangankon sipanganon on, mangolu ma salolot-lolotna. Anggo sipanganon na giot lehenonKi, i ma pamatangKu. LehenonKu ma pamatangKon anso mangolu portibi on.”

HALUMBAAN 22:17

Didok Tondi i dohot Boru Oroan i ma, “Beta ma!” Jana ganop halak na umbege on angkon laing dohot ma mandok, “Beta ma!” Sanga ise na manguas, ro ma ia! Jana sanga ise na marpor ni roha, dibuat ma aek na mangalehen hangoluan i so pola mangalehen bagi aha panggararna!

JOHANNES 8:51

Tutu do na Hudok tu hamu; sanga ise na mangoloi na Hudok, nada mate be Ia salolot-lolotna.”

1 JOHANNES 2:23

Barang ise na mangoku Anak i, disia muse do Ama i.

JOHANNES 10:28

Hulehen do di halahi hangoluan na so ra mantak. Bagi na bia pe nada mate halahi, jana nada tarrampas sanga ise pe halahi sian parmahanionKu.

JOHANNES 18:37

Dung i marsapa ma si Latus tuSia, “Antong anggo songon i, tutu do Ho raja?” Dialusi Jesus ma, “Tutu do Au raja, songon na nidokmi. Sorang pe Au jana ro tu portibi on hum na sada on sajo do maksudna, i ma laho manyaksihon hasintongan. Jana sanga ise na marasal sian hasintongan i dijagit ia do Au.”

JOHANNES 6:33

Angke anggo sipanganon na nilehen ni Debata, i ma na mijur sian banua ginjang jana na mangalehen ngolu na so mantak tu portibi on.”

JOHANNES 14:19

Nada sadia honok nari, nada idaon ni portibi on be Au, tapi anggo hamu laing idaonmunu do Au; jana dibaen na mangolu do Au, hamu pe laing mangolu.

JOHANNES 6:57

Damang na mangolu i do na marsuru Au jana Au pe na mangolu sian Damang i do. Laing songon i muse ma na mangankon pamatangKu, laing sian Au ma ia mangolu.

1 PETRUS 2:4

Antong, dapotkon hamu ma Ia. Songon batu na mangolu do i, i ma batu na niambungkon ni jolma hara ni na so marguna didok rohana; hape batu i do na mararga situtu anggo di Debata.

JOHANNES 10:7

Didok Jesus ma mangulahi, “Tutu do na Hudokkon tu hamu: ‘Au do pintu di biri-biri i.

SURAT NI SI PAULUS TU PARLAGUTAN ROM 5:2

Markite haporsayaan tuSia muse do hita dapotan dalan masuk tu asi ni roha ni Debata. Di bagasan asi ni roha i do hita mangolu, jana marmoga-moga di bagasan arop ni roha tu hamuliaan ni Debata!

KOLOSSE 3:4

Kristus do ngolu na so mantak di hamu jana muda ro Ia saulahon patidahon diriNia, dohot muse ma hamu rap dohot Ia di bagasan hasangapanNa i!

1 KORINTUS 15:45

Tarsurat do i songon on, “Si Adam, jolma na parjolo i gabe halak na mangolu,” tapi si Adam na parpudi i do gabe Tondi na mangalehen ngolu.

1 JOHANNES 1:8

Muda tadokkon nada mardosa hita, na paoto-oto dirinta do hita disi, jana nada adong hasintongan di bagasan dirinta.

JOHANNES 6:68

Dialusi si Petrus ma, “O Tuhan, giot tu ise dope hami kehe? Hum hataMi sajo do na mangalehen hangoluan na so mantak.

SURAT NI SI PAULUS TU PARLAGUTAN ROM 5:21

anso songon dosa na mangarajai di bagasan hamatean, songon i muse mangarajai asi ni roha markite-hite hatigoran tu ngolu na manongtong, markite-hite Jesus Kristus Tuhanta i.

HALUMBAAN 1:5

dohot sian Jesus Kristus saksi na bonar roha i. Ia do na parjolo dipangolu mangulahi sian hamatean jana Ia muse ma parkuaso di ginjang ni angka raja na di tano on. Dihaholongi Jesus do hita jana hara ni hamateanNia i dipalua Ia do hita sian angka dosanta.

1 PETRUS 1:21

Markite-hite Ia do porsaya hamu tu Debata na pangoluhon Ia mangulahi sian hamatean dohot na pasangapkon Ia. Jadi Debata do na nihaporsayaanmunu jana laing tu Debata muse ma hamu mararop ni roha.

HALUMBAAN 19:11

Dung i huida ma mungkap banua ginjang, haruar ma sada kudo na bontar, jana na juguk di ginjangna i margoar, “Na Setia dohot Na Sintong,” jana markite-hite hatigoran do Ia manguhumi dohot marporang.

KOLOSSE 2:9

Angke sasudena hadirion ni Debata dapot do di Kristus, i ma di bagasan hajolmaonNia.

1 JOHANNES 5:6

Ia do naro i markite-hite aek dohot mudar, i ma Jesus Kristus, nada hum markite aek sajo, tapi markite-hite aek dohot mudar. Jana Tondi do na mangalehen hasaksian, angke Tondi i do hasintongan.

HALUMBAAN 3:14

“Tu surusuruan ni parlagutan na di Laodikea songon on ma surat on! On ma barita sian si Amen, Saksi na setia jana na bonar i, mula ni sude na nitompa ni Debata.

KOLOSSE 2:17

Halinu ni angka pangalaho na giot ro do sudena i, tapi anggo na satutuna Kristus do!

HALUMBAAN 3:7

“Tu surusuruan ni parlagutan na di Piladelpia, songon on ma suratkon: On ma barita sian Na Badia jana Na Tigor i. I ma sitiop kunci ni si Daud; muda dibuka Ia, nada adong sahalak pe na tarbaen manutupsa, jana muda ditutup Ia nada tarbuka sanga ise be i.

BAENON NI ANGKA RASUL 3:15

Dibunu hamu ma Ia, haru pe nian Ia do haroroan ni ngolu ni sude jolma. Jana madung dipangolu Debata Ia mangulahi sian hamatean. Hami sandiri ma manyaksihon i.

HALUMBAAN 22:1

Dipatidahon surusuruan i muse dope tu au batang aek na lan sajo songon kristal jana mangalehen ngolu do aekna i. Sian habangsa ni Debata do mardalan batang aek i dohot sian Anak Ni Biri-biri i,

IBRANI 9:8

Sian Tona i, tangkas ma diajari Tondi Parbadia hita, salolot laing jongjong dope bandar bagian na di jolo i, na so tarbuka dope dalan masuk di hita tu Bilik Na Sun Badia i.

SURAT NI SI PAULUS TU PARLAGUTAN ROM 15:16

Madung dibaen Ia do au gabe pangoloi ni Kristus Jesus, suruanNia mandapotkon angka bangso na asing. Jana hubaen do au gabe songon malim, manjamitahon Jamita Na Denggan na sian Debata anso gabe haul na tumbuk tu roha ni Debata angka halak na asing i. Sai gabe haul hapunjungan ma di Debata halahi baenon ni Tondi Parbadia.

BAENON NI ANGKA RASUL 9:2

mangido surat kuaso anso tola ia kehe tu angka bagas paribadatan ni halak Jahudi di Damaskus laho manangkupi angka halak na mangihutkon dalan ni Tuhan na dapot ia, halaklahi bope dadaboru, anso dioban ia halahi tu Jerusalem.