JOHANNES 14:1 - BIBEL JAMITA NA DENGGAN

¹ Didok Jesus ma, “Ulang pola marsak rohamunu. Porsaya ma hamu tu Debata jana porsaya ma hamu tu Au.

JOHANNES 14:1 Referans Kwoze

JESAYA 26:3

Dilehen Ia do dame dohot hasonangan tu halak na togu rohana, hara ni na porsaya ia tuSia.

JOHANNES 12:44

Dung i didokkon Jesus ma, “Sanga ise na porsaya tu Au, nada hum tu Au porsaya halahi tapi dohot do tu na marsuru Au.

JOHANNES 6:40

Harana on do hagiot ni Damang: Sudena halak na marnida Anak i jana porsaya tuSia, i do na marhangoluan na so mantak jana pangoluonKu ma halahi mangulahi dung di Ari Parpudi.”

MASMUR 43:5

Biasi marsak jana susa ho rohangku? Mararop ni roha tu Debata noma au jana mandok tarimakasi tuSia, tu Debatangku jana Sipalua di au.

1 PETRUS 1:21

Markite-hite Ia do porsaya hamu tu Debata na pangoluhon Ia mangulahi sian hamatean dohot na pasangapkon Ia. Jadi Debata do na nihaporsayaanmunu jana laing tu Debata muse ma hamu mararop ni roha.

JOHANNES 13:19

Jolo Hupaboa hian do i tu hamu saonnari dompak so tarjadi dope, jadi muda dung tarjadi anso porsaya hamu Au do na nidok ni surat i.

EPESUS 1:15

Hara ni i, mamungka sian na dung hubege hamu porsaya tu Tuhan Jesus, jana dihaholongi hamu do sude halak na porsaya,

JOHANNES 12:27

“Songon na marsak do rohangKu saonnari. Aha do na giot sidohononKu? DohononKu do, ‘O Amang ulang ma padiar Au mamolus partinaonan on!’ Hape nian laho manaon partinaonan on do umbaen na ro Au.

2 TESSALONIKA 2:2

Ulang ma manigor ganggu sanga tarsonggot rohamunu hara ni angka barita na mandok, na dung ro Ari Ni Tuhan i. Betak sian na hasusuran do haroro ni barita i sanga na nidok halak sajo do; sanga betak na adong do halak na mandok jungada hami suratkon songon i di suratnami.

2 KORINTUS 2:7

Saonnari angkon ampunanmunu ma ia jana sosoanmunu mangulahi anso ulang mamarsaktu ia gabe mandele.

JOHANNES 11:33

Dung diida Jesus tangis si Maria jana dohot muse ma halak Jahudi na marroan i dohot si Maria tangis muse, gabe marsak jana ibo sajo ma roha ni Jesus.

JOHANNES 5:23

Dibaen Damang pe i anso dipasangap halak do Anak i songon na ni baen ni halak tu Damang. Halak na so pasangapkon Anak i, nada diparsangapi ia muse Ama na marsuru Anak i.

JEREMIA 8:18

Mabugang ate-atengku jana maniak, nada haubatan pardangolanniba.

JOHANNES 16:3

Dibaen halahi pe songon i tu hamu, hara ni na so ditanda halahi dope Damang dohot Au.

MASMUR 77:10

Jadi hudok ma, “Anggo na mambaen dumangol, on do – madung muba be Na Gumincat i.”

JOHANNES 16:6

Mur hancit muse noma rohamunu dung Hupaboa na songon i tu hamu.

JOHANNES 16:24

Lopus tu hatiha on na so unjung dope dipangido hamu sanga na aha markite-hite goarKu. Torus ma pangido hamu, gabe manjagit ma hamu, anso sanggam jop ni rohamunu.”