JOHANNES 13:5 - BIBEL JAMITA NA DENGGAN

⁵ Dung i diusehon Ia ma aek tu sada sambong, dibasu Ia ma pat ni angka siseanNia i jana dipahiang Ia dohot anduk na lilit di gontingNia i.

JOHANNES 13:5 Referans Kwoze

LUKAS 7:44

Dung i ditailihon Jesus ma tu dadaboru i, didok Ia ma tu si Simon, “Diida ho dehe anak boru on? Di na ro Au tu bagasmon, umpe adong aek diparade ho parbasuan ni patKu; hape anggo anak boru on madung dibasu ia patKu dohot ilu ni matania, jana dipahiang ia dohot obuknia.

MASMUR 51:2

Basu ma sude hajahatanku paias ma au sian sude dosangku.

PAMUNGKAAN 19:2

jana didok ia ma, “Loas hamu ma au mangoloi hamu, tuan. Tu bagasta ma hamu masuk. Adong do parbasuan ni pat di bagasta dohot parbornginan. Ancogot tarbaen hamu do sigop ngot lalu paudutkon pardalananmunu.” Tapi dialusi halahi ma, “Tarimakasi ma da, dison pe hami marborngin di alaman ni kota on.”

1 TIMOTEUS 5:10

tarbarita ia songon sada ina na dung mambaen pangalaho na denggan; isarana: Denggan dipagodang-godang ia angka dakdanaknia, sonang rohana manjagit angka tamu di bagasna, tata bohina manyambut angka na porsaya, dohot na mangurupi halak na susa – pendekna madung dibaen ia sian situtu ni rohana sude ragam ni karejo na denggan.

PAMUNGKAAN 18:4

Paloas hamu ma jolo au laho mangalap aek pamasu ni patmunu, jana di toru ni hayu on ma hamu jolo marsilaung maradian.

HALUMBAAN 7:14

Jadi hualusi ma, “Tuanku, ho do na umbotosa.” Dung i didok ia ma tu au, “Halak on ma angka na malua sian hasusaan na godang i. Madung dibasu halahi baju juba ni halahi jana bontar dibaen mudar ni Anak Ni Biri-biri i.

IBRANI 10:22

Antong hara ni i, tapadonok ma tu Debata mardongan roha na bulus dohot haporsayaan na tutu tu Debata; bope dohot roha na dung dipaias sian pangkilalaan na sala, bope dohot pamatang na dung nipaias dohot aek na lan.

EPESUS 5:26

Dibaen Kristus do songon i anso tarpaias Ia parlagutan i dohot ajaranNia bope markite-hite aek pandidion, anso tarpasahat Ia muse parlagutan i tu Debata.

1 KORINTUS 6:11

Songon i hian do deba sian hamu najolo. Tapi anggo saonnari madung dipaias hamu sian dosa, madung diparbadiai, jana madung dipatigor hamu di bagasan goar ni Tuhan Jesus Kristus dohot di bagasan Tondi Ni Debatanta.

BAENON NI ANGKA RASUL 22:16

Saonnari pe, ulang be palolot paintehon. Jongjong ma ho anso nipandidihon. Pio-pio ma ho mangido tolong tu Tuhan anso dipalua ho sian angka dosami.’ ”

2 RAJA-RAJA 3:11

Marsapa ma Raja Joram, “Adong dehe ulaning panurirang dison na gabe dalanta mangido panogu-noguon tu Tuhan?” Dialusi sahalak parpangkat sian tentara ni Raja Joram ma, “Dison do si Elisa anak ni si Safat. Pangurupi ni si Elia do ia na salpu i.”

1 SAMUEL 25:41

Jadi jongjong ma si Abigail lalu manungkap mandok, “Naposo ni si Daud do au, rade do au mamasu pat ni angka naposonia.”

HAMALIMON 14:8

Dung i angkon basuon ni halahi ma pakeanna, obukna pe angkon dicukur sude lalu maridi. Dung i ias ma ia, tola ma ia masuk tu parbandaran i, tapi pitu ari honokna nada tola ia masuk tu bandarnia sandiri.

1 JOHANNES 5:6

Ia do naro i markite-hite aek dohot mudar, i ma Jesus Kristus, nada hum markite aek sajo, tapi markite-hite aek dohot mudar. Jana Tondi do na mangalehen hasaksian, angke Tondi i do hasintongan.

1 JOHANNES 1:7

Tapi muda mangolu di na torang hita laing songon Debata na maringanan di na torang i, gabe mangolu ma hita di bagasan pardomuan na solkot na sada tu na asing, jana hara ni mudar ni Jesus AnakNa i gabe ias ma hita sian sasude dosanta.

JOHANNES 19:34

Tapi ro ma sada tentara i, disusukkon ia ma hujur tu rusuk ni Jesus; manigor haruar ma mudar na marcampur aek sian rusukNa i.

LUKAS 7:38

Jongjong ma ia di pudi ni Jesus di lambung patNa i, tangis ma ia disi, ditombur ia ma pat ni Jesus dohot ilunia, asa diapusi ia ma i dohot obukna, dung i diumma ia ma i jana diusehon ia ma miak na huskus i.

ZAKARIA 13:1

“Di ari i marbuldak ma sada mual ni aek laho paiaskon pomparan ni si Daud dohot halak na maringanan di Jerusalem sian dosa dohot parsombaan tu gana-ganaan na dung didalankon halahi.

JEHESKIEL 36:25

Dung i pispisonKu ma hamu dohot aek na lan, anso ias hamu sian sude gana-ganaanmunu dohot sian sasude na pahodarkon hamu.

HALUMBAAN 1:5

dohot sian Jesus Kristus saksi na bonar roha i. Ia do na parjolo dipangolu mangulahi sian hamatean jana Ia muse ma parkuaso di ginjang ni angka raja na di tano on. Dihaholongi Jesus do hita jana hara ni hamateanNia i dipalua Ia do hita sian angka dosanta.

JESAYA 1:16

Basu hamu ma jolo dirimunu lopus ias. Antak hamu ma sude hajahatan na nibaenmunu i. Olo, ulang be didatdati hamu mambaen na jat,

HARURUAR 29:4

Suruhon ma si Harun dohot angka dakdanaknia i ro tu pintu ni Bandar ParmiananKi jana paias diri ma halahi hombar tu upacara ni ugamo.

JOHANNES 13:10

Didok Jesus ma, “Sanga ise na dung maridi, tontu madung ias ia sude. Nada porlu be nipaias mangulahi; hum patnia sajo noma i sipaiason. Anggo hamu na dung ias hian do, tapi nada sude hamu.” (

JOHANNES 13:8

Didok si Petrus ma, “Ulang Tuhan. Bagi na bia pe nada tola ho mamasu patkon!” Tapi didok Jesus ma tusia, “Anggo so Hubasu do patmon, nada tola be ho gabe siseanKu.”

PAMUNGKAAN 43:24

Dung i dioban ma si Simeon tu halahi, jana ditaruhon ia ma halahi tu bagas. Dilehen ia ma aek pamasu ni pat ni halahi, dohot ruput di halode ni halahi.

HAKIM-HAKIM 19:21

Dung i dioban ia halahi marborngin tu bagasnia lalu dilehen ia ma mangan angka halode ni bayo i. Dung i, paias diri ma ia dohot angka tamunia i, lalu mangan.

JOHANNES 13:6

Dung lalu tu si Simon Petrus, didok si Simon Petrus ma, “Na giot mamasu patku do Ho, ale Tuhan?”